İkram İsrafil

İkram İsrafil
İkram İsrafil
Azərbaycan Respublikasının Milli Məclisi III çağırış deputatı
	2005 – 2010
Seçki dairəsi	2005 — 41 saylı Sumqayıt birinci
Əvvəlki	Vəzifə təsis edildi.
Sonrakı	Leyla Abdullayeva
Şəxsi məlumatlar
Doğum tarixi	16 yanvar 1964 (60 yaş)
Doğum yeri	Bideyiz, Nuxa rayonu, Azərbaycan SSR, SSRİ;
Partiya	Müsavat Partiyası;

İkram İsrafil (16 yanvar 1964, Bideyiz, Nuxa rayonu) — Azərbaycan Respublikasının Milli Məclisi III çağırış deputatı.

Həyatı

İkram İsrafil 1964-cü il yanvarın 16-da Şəki rayonunun Bideyiz kəndində anadan olmuşdur. Azərbaycan Politexnik İnstitutunun mexanika fakültəsini bitirmişdir.

1984-cü ildən M. Əzizbəyov adına Kimya Sənaye İstehsalat Birliyində növbə ustası və gənclər birliyinin sədri işləmişdir. 1991-ci ildən Sumqayıt aşqarlar zavodunun, "Azadlıq" kiçik müəssisəsinin sex rəisi, "Xəzər" Səhmdar Cəmiyyətinin şöbə rəisinin müavini, 1993-cü ildən "Qalayçı" firmasının direktoru vəzifələrində çalışmışdır.

1996–2002-ci illərdə Sumqayıt şəhərində Mikayıl Müşfiq adına 34 nömrəli orta məktəbdə direktor müavini olmuşdur.

Ailəsi

Evlidir, 3 övladı var.

Ağ Partiyasının sədri Tural Abbaslının qaynatasıdır.

Siyasi fəaliyyəti

Azərbaycan Respublikası Milli Məclisinin III çağırış deputatı olmuşdur.

Milli Məclisin Təbii ehtiyatlar, energetika və ekologiya komitəsinin, Azərbaycan-ABŞ, Azərbaycan-Böyük Britaniya, Azərbaycan-Braziliya, Azərbaycan-Norveç, Azərbaycan-Türkiyə parlamentlərarası əlaqələr üzrə işçi qruplarının üzvü olmuşdur.

Müsavat Partiyasının üzvüdür.

Mənbə

41 saylı Sumqayıt birinci seçki dairəsi

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.