Ümumi qalça venası

Ümumi qalça venası (lat. Vena iliaca communis) oma -qalça oynağının bərabərliyində daxili və xarici qalça venalarının (lat. vv. iliacae internae et externae) birləşməsindən əmələ gəlir. Sağ tərəfdəki sağ ümumi qalça arteriyasının arxa və bayır tərəfilə yuxarı və sola doğru, sol tərəfdəki isə özünə uyğun arteriyanın əvvəlcə içəri kənarilə, sonra sağ ümumi qalça arteriyasının dalı ilə yuxarı və sağa doğru gedərək dördüncü bel fəqərəsinin aşağı kənarı bərabərliyində, qarın aortasının sağ tərəfində bir-birilə birləşirlər və nəticədə aşağı boş venanı əmələ gətirirlər. Sağ ümumi qalça venasının istiqaməti bir az düzdür, sol ümumi qalça venasının istiqaməti isə sağa nisbətən çəpdir və özü də uzundur. Sol ümumi qalça venası öndə sağ ümumi qalça arteriyası ilə çarpazlaşdığı üçün qanın cərəyanı burada sağa nisbətən çətin olur, odur ki, sol aşağı ətraf venalarında bəzi iltihabi proseslərə və ya onların genəlməsinədaha çox təsadüf olunur. Bəzən sol ümumi qalça venası orta oma venasını (lat. v. sacralis mediana) qəbul edir.

Ümumi qalça venası
Sağ bazu-baş Yuxarı boş Boş vena bağı Tək Yarımtək Aşağı boş Daxili vidaci Xarici vidaci Körpücükaltı Ən yuxarı qabırğaarası Sol qulaqcığın çəp Ürəyin tac cibi Əlavə yarımtək Sol adsız Ümumi qalça Xarici qalça Daxili qalça Sol böyrəküstü Sol böyrək Sol xaya
Qarın və kiçik çanaq venaları
Ümumi qalça venasının qarın hissəsi: qarın aortası və simpatik düyünlərin əhatəsində
Latınca	Vena iliaca communis
Qrey	subyekt 173 677
Başlanır	Oma -qalça oynağının bərabərliyində
Mənbəyi	Daxili qalça venası Xarici qalça venası
Açılır	Aşağı boş vena
Arteriya	Ümumi qalça arteriyası
Dorlands / Elsevier	12850542