Çırpınırdı Qara dəniz

Çırpınırdı Qara dəniz — Azərbaycanda və Türkiyədə çox populyar olan, dinləyicilərə vətənpərlik ruhu aşılayan mahnı.

Çırpınırdı Qara dəniz
Yayımlanıb 1918
Janr patriotik
Dil Azərbaycan dili
Bəstəkar Üzeyir Hacıbəyov
Sözlərin müəllifi Əhməd Cavad

Mahnı Azərbaycanın dahi şairi Əhməd Cavadın 1914-cü ildə Gəncə şəhərində yazdığı "Çırpınırdı Qara dəniz" şeirinə məşhur Azərbaycan bəstəkarı Üzeyir Hacıbəyov tərəfindən dörd il sonra 1918-ci ildə bəstələnmiş musiqi əsasında yaranmışdır. O zaman Üzeyir bəy bu mahnını Nuru Paşanın komandanlığındakı Qafqaz İslam Ordusunun Azərbaycandakı qəhrəmanlıqlarına ithaf edib.[1]

"Çırpınırdı Qara dəniz" şeiri 1919-cu ildə Əhməd Cavadın ikinci şer kitabı olan "Dalğa"da da dərc olunub. Mahnı Azərbaycanda iki ifaçının ifasında daha populyardır. Bunlar Azərin və Şəmistan Əlizamanlıdır. Xüsusən, bu mahnı Türkiyədə Azərinin ifasında çox sevilir.

Plagiat iddiaları

Son dövrlərdə mahnı ermənilər tərəfindən erməni aşığı Sayat Novanın əsəri kimi "Kamança" adıyla təqdim edilməkdədir.[2][3][4]

Eyni zamanda həmin plagiat mahnının Daşnaksütyun Partiyasının himni olması da iddia edilir.

İstinadlar
  1. Əhməd Cavad, Çırpınırdı Qara dəniz: (Şer) // Yeni Azərbaycan.- 2001. - sent. - s.4
  2. "Sayat Nova - Kamancha". 2022-03-27 tarixində arxivləşdirilib. İstifadə tarixi: 2011-08-08.
  3. "Ara Dinkjian, Kamancha". 2022-03-27 tarixində arxivləşdirilib. İstifadə tarixi: 2011-08-08.
  4. ""Çırpınırdı Qara dəniz"..." 2011-10-15 tarixində orijinalından arxivləşdirilib. İstifadə tarixi: 2011-05-21.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.