Yana (kuksa)
Yana ( rossiavon Яна is yakutavon Дьааҥы ) tir bost ke ronefa Sibiria koe Rossia. Va Saxa Sokasane koenir ise va Laptev Bira ke Arktika Welfa konir. Wale talteon Lena is roneon Indigirka tigir.
| Yana | |||
| |||
| KIRA | |||
| Abrotce | 1 490 km- | ||
| Kuksaxo | 238 000 km² | ||
| Bost | Yana | ||
| Celack | Ubileyneya - 1 021 m³/v- | ||
| SALT | |||
| Klita | Verxoyanski rodega | ||
| Artexo | Laptev Bira | ||
| Kovoapa | Dulgalax, Aditca, Bitantay, Abirabit, Oldjo | ||
| TAWAVO | |||
| Patecta | Rossia | ||
Tawavopa
Bostack tir vey roneon Sartang kuksa geunisa is talteon Dulgalax kuksa getaltunisa.
Abrotce ke bostack tir vas 872 km-, voxe don Sartang tir vas 1 490 km-. Bostxo tir vas 238 000 km².
Yana bost va Yana pargalu ke Laptev Bira konir, ton glupafa riska vas 10 200 km².
Va mon 40 000 uzda koe bostxo ropatat, don yona meftafa uzda koe Verxoyanski rodega is data koe wedafa azeka ke valentexo. Sid ke bostxo riwe varon tir tapsid, dem klupafa aalinda koe vagexo adre kadasa ruga kaik 70-eafa laksiwakafa vakenoda.
Widava kene bost
Yana bost va Verxoyansk widavama isu Batagay isu Nijneyansk isu Ust-Kuyga kenenir.
Lidawicka
Bostxo ke Yana gu fentaf nael ke Rossia zo torigir kiren fentodafa wegona zo koverteyed ( cugon -70 °C ).
Lavopa
Tandeaf celack ke bost tir mon 32,18 km³ isen lok remi alubeaksat is teveaksat nir radimi bica. Yana bost bak saneaksat welmon sotapar aze leve opra kali alubeaksat ok teveaksat zavzar. Koe Verxoyansk gola, Yana varon remi 70 ik 100 viel tandeon wan gitapar, is pakon bak 220 viel.
Kovoa
Nelkafa kovoa ke Yana bost tid :
| Kotavaf yolt | Rossiavaf yolt | Abrotce ( km- ) |
Kuksaxo ( km² ) | Domega |
|---|---|---|---|---|
| Bitantay | Бытантай | 586 | 40 200 | Taltefa |
| - Tenki | Тенки | 299 | 3 890 | - Taltefa ke Bitantay |
| Tikax | Тыках | 241 | 5 010 | Taltefa |
| Baki | Бакы | 172 | 3 020 | Taltefa |
| Sartang | Сартанг | 620 | 17 800 | Taltefa |
| Aditca | Адыча | 715 | 89 800 | Ronefa |
| - Borulax | Борулах | 319 | 9 470 | - Taltefa ke Aditca |
| - Derbeke | Дербеке | 389 | 14 100 | - Taltefa ke Aditca |
| - Nelgese | Нельгесе | 566 | 15 200 | - Taltefa ke Aditca |
| - Tuostax | Туостах | 271 | 20 000 | - Ronefa ke Aditca |
| Oldjo | Ольджо | 330 | 16 100 | Ronefa |
| Abiraabit | Абыраабыт | 153 | 2 570 | Ronefa |
| Dulgalax | Дулгалах | 507 | 27 300 | Ronefa |
Izva
Gola ke Yana bost zo torigir da tiyir tel taneaf irubaraf debak ke Arktikaxo. Koinga ke ayafa kerelera evlon gu 30 000 tanda ( 12 000 abdi tel bocaf oprafirday ) zo trasiyid.
Dere rupel
 | Bost ke Rossia |
|---|---|
| Alazeya • Amur • Anabar • Anadir • Dnipro • Don • Indigirka • Kamtcatka • Kolima • Kuban • Lena • Mezen • Nadim • Narva • Nemunas • Neva • Ob • Olenyok • Onega • Oxota • Penjina • Petcora • Pur • Pyasina • Severnaya Dvina • Taymir • Taz • Terek • Uda • Ural • Volga • Xatanga • Yana • Yenisey | |