Xingu Patectolaf Gerd

Xingu Patectolaf Gerd ( portugalavon Parque Indígena do Xingu ) valentrone Mato Grosso kimon ice Amazonas aalxo koe Brasila tigir.

Bat vedeyaf gerd tir welmotaf gu 26 420 km² voktice Xingu kuksapa.

Sanelia tigisa moe tawavo ke gerd tir ke san-peroye patectolafe sane. To tid :

Kuhikugu ( 1300 AGJ – 1500 RGJ )

Kuhikugu rawopaf birtey

Kuhikugu tir rawopaxo tigiso vagee gerd poke klita ke Xingu kuksapa. Tir wid kabdion kosmayan kan joxara gan Michael Heckenberger rawopik.

Bat wid tire tiyir widavaf birteyap abdi artlapira ke europik ko Brasila. Joxara nedir da irubasik ke Kuhikugu va folkay is brimga is vawa al vegeduyud. Irubasik ke Kuhikugu va fekra miduyud.

Rawopik uldined da widava rotir tiyir vas alub-kunoy irubasik. Griawira ke bat debak is inafa sanelia vas koplekura va europikafa akola ape daner. Kuikuro mikrik co tid ironokaf veyocik ke bata sanelia.

Vuestexa

    Xingu Patectolaf Gerd
    Vedeyaf gerd
    Wiks va patectolafa widama tigisa koe gerd
    DEBALA
    PatectaBrasila       
    GaldolkMato Grosso
    Maneka 9°50′24″ G-, 52°31′42″ T-
    Welmot26 420 km²
    RISTULA
    OrdVedeyaf gerd
    UICN lomaII : Vedeyaf gerd
    UICN otuk352027 
    Redusa evla1961
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.