Tcerski (jaka)
Tcerski ( rossiavon Хребет Черского ) tir jaka ke Sumefa Sibiria valentrone Rossia.
| Tcerski | |||
| |||
| KIRA | |||
| Ontine | 3003 m- Pobeda mefta | ||
| Welmot | - km² | ||
| SIDOPA | |||
| Klaa | Kretasuk | ||
| TAWAVO | |||
| Patecta |  Rossia | ||
| Gola | Saxa Sokasane, Magadan Winka | ||
Yolt ke Tcerski jaka poron gu Jan Czerski polskaf vestasik is tawavopik zo ziliyir, i gu Czerski gadeyesi tana taneafa opafa brinuga koe bata gola tici XIX-eafa decemda.
Tawavopa
Tcerski jaka voke naelivamu sotigir ise tir dem meftafa belca ke Ronefa Sibiria gee Laptev Bira. Lente jaka azekapa ke Ronefa Sibiria tigir isen Moma jaka roneon. Geron, jaka adre tuomawer vane Oxotsk Bira ; geef sekol ke jaka kale Magadan molt divlized. Ke bata sekolafa belca Angatcak jakaki tigir. Valenttalteon, Tcerski jaka kale Yana krant divlizer isen vagetalteon kale Oymyakon azekexa koe Verxoyanski rodega.
Vile sidopa, jaka jowon ice eurasiafa pozla isu lenteamerikafa sotigir.
Jaka gan Indigirka bost remrus va vristafa krantoza zo remnir. Ane ontine tir Pobeda mefta vas 3003 m-.
Jaka tir dem jontiko opraxo.
Nelkafe ontine ke Tcerski jaka
- Xadaranya mefta ( Хадаранья, 2185 m- )
- Tas-Xayaxtax mefta ( Тас-Хаяхтах, 2356 m- )
- Tcemalginski mefta ( Чемалгинский, 2547 m- )
- Kurundya mefta ( Курундя, 1919 m- )
- Dogdo mefta ( Догдо, 2272 m- )
- Tcibagalaxcki mefta ( Чибагалахский, 2449 m- )
- Borong mefta ( Боронг, 2681 m- )
- Silyapski mefta ( Силяпский, 2703 m- )
- Pobeda mefta ( Победа, 3003 m- )
- Tcerge mefta ( Черге, 2332 m- )
 | Rodega is jaka koe Sibiria |
|---|---|
| Abakan • Alatau • Aldan • Baikal • Barguzin • Djagdi • Kodar • Kolima • Koryak • Kumrotc • Moma • Sayan • Tannu-Ola • Sixote-Alin • Sredinni • Stanovoy • Suntar-Xayata • Tcerski • Ural • Verxoyanski • Vostotcni • Xamar-Daban • Xenti • Yablonovi | |