Tamavafa gadakiewega koe Malia

Bat teliz va kot debak bendeyen dene Tamavafa Gadakiewega ke UNESCO koe Malia otular.

Bak 2018, balemoy debak ke Malia tid ke winugafa vexala ke Tamavafa Gadakiewega : 3 arayaf is 1 aotcaf.

Winugafa vexala

Bat debak bevular iyelaf

Askia relidanaboxa	Welmot : 0.4 km²
Arayaf debak bendeyen bak 2004	Ludeem : (ii) (iii) (iv)	UNESCO otuk : 1139
Debala : Gao Gola	Maneka : 16° 17' 24" L-, 0° 02' 42" R-
Disukexafe relidadre ke naboxa ke Askia gazikeem, kolnayane gan Askia Moxamed Sonxai gindik bak 1495 koe Gao kelu, va gijarotiuca is kuluca ke gindaxo vrutar, i va gindaxo dilizeso remi XV^-eafa is XVI^-eafa decemda tuke stujera va remsaxarafa kazara va tulon eip is moava. Belca, don relidanaboxa is toloya mazjida dem azekafa kepaita is mazjidafo awalkikxo is kokagoba, zo kolnayar ugale Gao vanpiyir kelu ke Sonxai gindaxo isen vielu Askia Moxamed dim Makka va islameva wetce winugafa alka koaykayar. [1]

Tumbuktu	Welmot : km²
Arayaf debak bendeyen bak 1988	Ludeem : (ii) (iv) (v)	UNESCO otuk : 119
Debala : Tumbuktu Gola	Maneka : 16° 46' 23" L-, 2° 59' 56" T-
Dem targafa islamevafa Sankore kotla is aryona bema, Tumbuktu tiyir remi XVI^-eafa is XVII^-eafa decemda grufu is swavafu kelu is islamevafo galbuxo koe Afrika. Inafa baroya mazjidapa (Djingareyber, Sankoré et Sidi Yahia) va moavaklaa vrutad. Beka bata cugexa bak XVI^-eafa decemda zo dimempayad, pune gan abdunira ke bixe zo dratced. [2]

Guazaxo ke Djenné	Welmot : km²
Arayaf debak bendeyen bak 1988	Ludeem : (iii) (iv)	UNESCO otuk : 116
Debala : Mopti Gola	Maneka : 13° 54' 22" L-, 4° 33' 18" T-
Guazaxo ke Djenné Kerelen mali 250 AF tanda, debak ke Djenné al vonewer nume vanpiyir kazaxo is widavapa ta remsaxarafa kazara va moava. Bak XV^-eafa is XVI^-eafa decemda, widava tiyir amuzexo va islameva. Inafa prostewafa mona moe kesimi zo kolnayad nume gu cadimeafa kentara zo nendad. Mon 2000 bata mona al zo nendoyed. [3]

Bandiagara kiria	Welmot : 3273.90 km²
Aotcaf debak bendeyen bak 1989	Ludeem : (v) (vii)	UNESCO otuk : 516
Debala : Mopti Gola	Maneka : 14° 19' 59" L-, 3° 25' 01" T-
Bandiagara kiria ( Dogon gola ) Debak ke Bandiagara kiria tir burkaf patectoy dem kiria is yootafa azekexa, is dem jontika listafa kolna is vegeduks ( vreda is olkxe is muxelk is tumtaxo, is kokaxo ). Konaka targafa seltafa prostewa koe gola wan tid blisa : xatcaxa is migafa jora isu sanefa is atayera va ambikeem. Oye sidopaf is rawopaf is mikropaf kireem is belcon patectoyeem, Bandiagara azekexa tir tan lowoes debak ke Taltefa Afrika. [4]

Angola • Avafrika • Benina • Bissauguinea • Botswana • Burkina • Burundia • Ertra • Gabona • Gambia • Gana • Geeafrika • Geesudana • Guinea • Ityopia • Jazaira • Jibutia • Kaboverdea • Kameruna • Kenya • Komoria • Kongoa • Sokasanerotifa Kongoa • Koteivoira • Lesotoa • Liberia • Libia • Madagasikara • Magriba • Malawia • Malia • Mauritia • Misra • Mozambika • Muritania • Namibia • Nigera • Nigeria • Rwanda • Saotomeprincipea • Senegala • Seycella • Sierraleona • Somalia • Sudana • Swatinia • Taltefa Saxara • Tanzania • Tcada • Togoa • Tunusa • Uganda • Witaluguinea • Zambia • Zimbabwea

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.