Sardurihinili

Sardurihinili ( armenavon Հայկաբերդ Haykaberd ; turkavon Çavuştepe  ) koe re Gürpinar utca ke Van winka koe Turka tigir, gerone Van widava arte mon 25 km-, keve vawa vane Hakkari wid, koe krant grupen koe savsafa is izvafa Armena yolton gu Hayots Dzor ( armenavon Հայոց Ձոր, krant ke armenavik ).

Tiyir ralma faveyena gan gazik ke Urartu remi -VIII-eafa decemda AGJ isu -VII-eafa.

Debak

Sardurihinili va conyakoraf zovdom dir, waganyesi moe xed ticukon ice azeka ke Gülpinar. Vas migexarebava is stabrega ke gazafa berma vegeduyuna bak gazugal ke Sarduri II ( -764 – -735 AGJ ) pelavon gu gazaxo ke Urartu ruldar. Ticak is titak ke ralma al zo joxad. Dopewa ke Haldi is yona rebava ke ralma is gazaf rasek is yona onya ( evlon gu -VII-eafa decemda AGJ ) is konake emaxe isu bukelta is burmotaxo is berma dem uskejxo is « gazafo » tcatexo is ayikyaxo is brivaxokirafa bonta al zo grifuned. Kelor aname lanyon pak ke ralma tigiyir.

Sardurihinili bak -VII-eafa decemda AGJ zo vilayar, ape gan Skutoy saneik. Zavzaks ke radimifa mialukugalafa kerelera dere krulded. Debak wali 1961 is 1986 gan Afif Erzen zo joxayar.

Ewavak

Vuestexa

    • (tr) O. Belli (2001): Çavuştepe (Šardurḫinili) Excavations. In: O. Belly (ed.): İstanbul University’s Contributions to Archaeology in Turkey 1932-2000. Istanbul
    • (tr) A. Erzen (1978): Çavuştepe I. M. Ö. 7.-6. Yüzyil Urartu Mımarlik Antilari ve Ortaçağ Nekropolü . Ankara.
    • (de) A. Erzen (1978): Ausgrabungen auf der urartäischen Burg Çavuştepe im Gebiet von Van. In: E. Akurgal (ed.): The Proceedings of the Xth International Congress of Classical Archaeology, Ankara-İzmir, 23-30.9.1973. Ankara.
    • (de) H. D. Kaspar, E. Kaspar (1986): Urartu. Ein Weltreich der Antike. Ein Reisehandbuch. Hausen

    Sardurihinili
    {{{pebuda}}}
    DEBALA
    DebalaVema ke Gürpinar, Van winka
    Turka  
    Maneka 38° 35′ 24" L-, 43° 45′ 93" R-
    KIRA
    OrdUrartu ralma
    Welmot ? km²
    IZVA
    Zabdura≈ -764 AGJ
    Jovlera≈ -600 AGJ
    Ayafe sareUrartu, Azilugal
      Tuveli icde Izvopa 
    Urartu : savsugalafo gazaxo ke Pokefa Lenteka  
    Gazik

    ArameLutipriSarduri IIshpuiniMenuaArgishti ISarduri IIRusa IArgishti IIRusa IISarduri IIISarduri IVErimenaRusa IIIRusa IV

    Debak

    AltıntepeArgishtikhiniliArzashkunAyanisBastamErebuniRusahiniliSardurihiniliTeishebaniTushpa

    Lorik

    ArubaniHaldiHubaShiviniTeishebaTushpuea

    Araya

    UrartuavaAlkaYamba

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.