Rusa I

Liwot va Urartu gazaxo bak sare ke Rusa I

Rusa I tiyir gazik ke Urartu mali -735 AGJ kali -714. Tiyir nazbeikye is direik ke Sarduri II.

Konoleyeson va gazaxo rawapayano num gomalvegedutuno, Rusa ta skura va lana dilifa rekola do Assur gindaxo impavantar kiren Salmanazar V va uskejafa motcara gotsuner. Voxen kevaliera va Sargon II warzaf gindik ke Assur ( -722 – -705 ) lofigon gin dilized.

Taneaf tawuk ke Sargon II bak -719 kev Urartu va sugara ke Rusa vanmecobar. Geja vas kotgrupaf « anyusteaf tawuk » ke -714 waltodar. Va pintakirafa nega ke bat tawuk koe twa maneyena gan gazik pu lorik ke Assur dadit.

Sargon divnedir inde va kaipap solgiyir : va moava vas tanoy decitor is dilgava vas baroy decitor is konaka decitoya muka. Wori batcoba me tir belikafa kalcenera larde Sargon II va loa ralma ke Urartu me lajuvangir ise va pak ke gazaxo anton torsar. Batdume, nekev ksera ke Rusa, inaf prostelay ilkon gu Argishti II nazbeikye moe uskej ke Urartu lajuzavzagir.

Ewavak

Vuestexa

    • (es) Cassin, E., J. Bottero, & J. Vercoutter, Historia Universal siglo XXI. Los imperios del Antiguo Oriente. La primera mitad del primer milenio, ISBN 84-323-0048-9
    • (fr) Dédéyan, Gérard, Histoire du peuple arménien, Privat, Toulouse, 2007, ISBN 978-2-7089-6874-5
    • (en) Piotrovsky, Boris (1969), The Ancient Civilization of Urartu, London, Cowles Book Co., ISBN 0-402-10171-5

    Rusa I
    Gazik ke Urartu
    Nafaluca
    ProstelaySarduri
    SemekGazik ke Urartu
    SokaUrartu
    Nafalugal-735 – -714 AGJ
    Dar- nafalikSarduri II
    Dir- nafalikArgishti II
    Blirizva
    Koblira≈ -765
    Awalkera-714
    GadikyeSarduri II
    GadikyaSusaratu
    YerumanikRusaina
    NazbeikArgishti II, Melartua
    betara teza
      Tuveli icde Izvopa 
    Urartu : savsugalafo gazaxo ke Pokefa Lenteka  
    Gazik

    ArameLutipriSarduri IIshpuiniMenuaArgishti ISarduri IIRusa IArgishti IIRusa IISarduri IIISarduri IVErimenaRusa IIIRusa IV

    Debak

    AltıntepeArgishtikhiniliArzashkunAyanisBastamErebuniRusahiniliSardurihiniliTeishebaniTushpa

    Lorik

    ArubaniHaldiHubaShiviniTeishebaTushpuea

    Araya

    UrartuavaAlkaYamba

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.