Ruftacek ke Erzincan (1939)

Ruftacek ke Erzincan ke 1939 tir ruftacekap tazeyes va Erzincan winka varone Turka bak mielcek ke 26-27/12/1939. Taneafa botcera ba 1:57' gazdon sokiyir azen tevoya ara remi baroy diref bartiv di tiyid, isen ana botcera va feka vas 8.2 bilolk ke Richter bil ticfiyir, nume bat ruftacek tiyir an ruftacek ke noeltafa izva ke Turka. Direvielon laot vas loon 20 000 awalkik zo exoneyer voxe arti abic viel vas 33 000 kosik nope kentacek is skandotcek is fent moion ticfiyir.

Tire, bak ironokaf vielcek de santoleaksat, muta is sazafa gropaja koe gola ke Anatolia duyud nume va vanlizukera va pomara is divbulura va frankayana sanelia tatceyed. Voy koe Erzincan widava tisa ruftafo koblixo tiyid skayakiraf. Widava riwe zo kalvegeduyur. Kunoy ke kun-tev-decitoy irubasik zo aytayad. Debak di zo jovleyer azen warzafa widava lenteon di zo vegeduyur. Erzincan bak 1784 rufton ixam al zo vilayar.

Vuestexa
    Ruftacek ke Erzincan, 1939
    UGAL
    Evla 27/12/1939 ~ 23:57'23"
    Jijacek 37"
    ISC otuk 902291
    XO
    Koblixo  Turka, Erzincan
    Maneka  39° 77′ 00" L-, 39° 58′ 00" R-
    Taw- yalta Lentefa yalta ke Anatola
    KIRA
    Feka 7.8 Mw
    Titsuye 20.0 km-
    DANEXA
    Amuzexo Erzincan winka
    Kosikeem 33 000
    betara teza
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.