Mwanza

Mwanza tir widavapa valenttalte Tanzania. To ristus widot ke Mwanza gola tir.

Mwanza kene geefa kadoma ke Victoria Uzda tigir, rune aludevafa ceda dana arte mon 60 km- geon divatcewer.

Kazaxo ke gola ektudasa va rabamidura ( kita ) is zaipamidura ( plebot is koda is irk ) is dere divoksera va moava is duz, Mwanza va vonera va toleodind koe gama ke blotraba is oksiraba is midurafoalkraba is totaraba al wir.

Sanelia

Lok ke sanelia ke widava is gola tir ke Sukuma mikra.

Lapira is liziba

Tegirapaf molt koe kazara do Uganda is Kenya, dadisa va severoxo dazaniso va yona koefa sarva, Mwanza tir malkelotxe kagluyase va toloyi kelotki male krimta is Tanganyika Uzda remo Tabora.

Winkafo severoxomo krulder, dem sarva van Dar es-Salaam is aryona widava ke Tanzania is Nairobi koe Kenya.

Ba 21/05/1996, MV Bukoba tota ravaldasa va belafa sarva wale Bukoba is Mwanza koo Victoria Uzda, poke widava bopelawer. 800 lapisik xonukeyed, ton batcoba tadlesa va tele lorotafe egale koe witafa izva ke patecta.

Afigasuteks

  • Wiks va Mwanza kene Victoria Uzda
    Wiks va Mwanza kene Victoria Uzda
  • Severomo ke Mwanza
    Severomo ke Mwanza
  • Kelotafa golda ke Mwanza
    Kelotafa golda ke Mwanza
  • Kamanga etolxo, lize totarafa sarva domud
    Kamanga etolxo, lize totarafa sarva domud
  • Kirumba utiuxo ke Mwanza
    Kirumba utiuxo ke Mwanza
  • Mielaf wiks va Mwanza male uzda
    Mielaf wiks va Mwanza male uzda
  • Istexo ke Mwanza
    Istexo ke Mwanza
Mwanza
RISTULA
PatectaTanzania  
GolaMwanza Gola
SANELIOPA
Sanelia706 543 ir- (2012)
TAWAVOPA
Maneka 02°31′ G-, 32°54′ R-
Ontine1 140 m-
LAPIRA, LIZIBA
Bira, kuksa
Rid
Kelot
Vawa


  Widava ke Tanzania 
Arusha • Dar es-Salaam • Dodoma • Iringa • Kigoma • Mbeya • Morogoro • Moshi • Mtwara • Musoma • Mwanza • Shinyanga • Songea • Tabora • Tanga • Zanzibar
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.