Maria Vetrova

Maria Vetrova
1870-1897
Rossiaf tavesik isu artowasik

Maria Vetrova ( rossiavon Мария Федосьевна Ветрова ) tiyir rossiaf artowasik. Koe Solonivka widama poke Tcernigiv koe savsafo rossiafo gindaxo is refa Ukraina ba 03/01/1870 kobliyir. Ba 12/02/1897 koe Sankt Peterburg kan tey kser.

Blirizva

Maria Fedosyevna Vetrova tiyir nazbeik ke mekureyena tolonga. Gadikye co tiyir tegivsutesik ke utca. Ina ton tawadayik zo gaar aze dene vuwiskaxe zo emuder. Azon koe olda ke Tcernigiv vayar. Mali 1889 tir tavesik koe vegungafa Liubetc widavama ise lizukon wenyumur.

Wali 1890 is 1894 koe yikyafa bema koe Azov vagee Ukraina taver. Bak 1895 bak tilderugal koe Yasnaya Polyana, va Vladimir Tcertkov is Lev Tolstoy kevlanir. Gan rieteem ke bantan zo turestapar.

« Tolstoy kalir da batyona rietava [ nuyuca is miltuca is malyuca ] kan vankotunara va kottanafe inte zo rokalfid. Voxen soye, va mana danexa jupekatal ant ede rinafa ilkafa tukiewara va vonera va jiluca ke anameik zolonon turestar. ~ Gojupat da anameikeem, trabe kobasikafe tande is lyumasik jiligas va nuyuca is malyuca, batcoba tir to kramackafa vols soloksafa skura ke inte. »

— Pone ke Maria Vetrova, 31/12/1896

Bak 1895 va Sankt Peterburg koirubar lize taver, tulon pu dodelik ke Obuxov azakiaxe. Va birgotaf Narodnaya Volya saneevaf grustaks yoter.

Ba 22/12/1896 keni Anna Rasputina xuton gu Laxtinskaya rubiaxe zo soper aze zo koflintar. Azon ko Petropavlovskaya ralma zo arburer lize tizon zo kalerur.

Ba 02/02/1897, kevotceteson va boksapafa flintafa vertuma, Maria Vetrova kum egeba ke sogzagum va int sister. Nope anteyaksap ba 12/02/1897 koe ropexe ke flint xonuker. Koe megrupeno xo waroldon zo kotawar.

Dere rupec

► Rossiafa artowasikya

Vuestexeem
    Maria Vetrova

    Maria Vetrova

     Koblira  03/01/1870,
     Solonivka, Ukraina
     Awalkera  12/02/1897,
     Sankt Peterburg, Rossia
     Vedeyot  Rossia
     Tegira  Bilmas artowasik
      Bifa 
      Tuveli icde Izvopa 
    Rossiafa artowasikya

    Varvara Aleksandrova • Maria Ananina • Natalya Armfeld • Alyona Arzamaskaya • Sofia Bardina • Fanya Baron • Ekaterina Barteneva • Varvara Batyuckova • Anastasya Bitsenko • Sofia Bogomolets • Anisya Bolotina • Ekaterina Brecko-Breckovskaya • Maria Ckolnik • Lidya Ezerskaya • Rebekka Fialka • Lidya Figner • Vera Figner • Yevgenya Figner • Gesya Gelfman • Emma Goldman • Xristina Grinberg • Raisa Grossman • Sofia Ivanova-Boreyco • Aleksandra Ivanovskaya • Evdokia Ivanovskaya • Praskovya Ivanovskaya • Aleksandra Izmaylovitc • Maria Kalyujnaya • Fanni Kaplan • Natalya Klimova • Natalya Kogan-Bernstein • Zinaida Konoplyannikova • Maria Kovalevskaya • Elizaveta Kovalskaya • Yulya Krukovskaya • Maria Kutitonskaya • Tatyana Lebedeva • Sofia Leschern • Olga Lyubatovitc • Vera Lyubatovitc • Fani Moreinis • Maria Nikiforova • Sofia Perovskaya • Anna Pribilyova-Korba • Anna Rasputina • Yevgenya Ratner • Neonila Salova • Nadejda Sigida • Nadejda Smirnitskaya • Maria Spiridonova • Maria Subbotina • Nadejda Subbotina • Yevgenya Subbotina • Olga Taratuta • Lyudmila Terentyeva • Anna Toporkova • Maria Vetrova • Lyudmila Volkenstein • Aleksandra Xorjevskaya • Anna Yakimova • Vera Zasulitc

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.