Maria Kalyujnaya

Maria Kalyujnaya
1864-1889
Rossiaf artowasik

Maria Vasilyevna Kalyujnaya ( rossiavon Мария Васильевна Калю́жная ) tiyir rossiaf artowasik. Koe Lebedin wida ke Xarkiv bowexo banugale koe rossiafo gindaxo is koe refa Ukraina bak 1864 kobliyir. Ba 10/11/1889 koe Kara xalta koe Sibiria kan jiva kser.

Ina tiyir berikya ke Ivan Kalyujni artowasik num ikaberikya ke Nadejda Smirnitskaya.

Blirizva

Maria Vasilyevna Kalyujnaya tiyir nazbeikya ke dolekik. Koe sardikyafa olda ke Xarkiv az tela ke Romni vayar. Turestayana gan berikye, va Narodnaya Volya denfir. Wetce zanisik mu Sergey Degayev galbedusik koe Odesa kobar. Birgotafo rubiasiko ke Narodnaya Volya koe inafa kraba al zo inkeyer. Kraba ba 18/12/1882 zo kowir numen Maria zo soper.

Ko Oxtirka wida ristulon zo stanjur lize gadikya irubar, voxe yater aze koe Sankt Perterburg az Xarkiv az Odesa birgoton blir. Kosmara va relmera ke Sergey Degayev rankeyes va bewik ke Narodnaya Volya pu ardial va ina piksesir. Kle bam ina ant gorar da va Katanski vombik batultaf dirgasik ke Odesa fu bilmar. Ba 08/08/1884 va in dierkar voxe bulfemer. Davon zo soper. Ba 29/08/1884 gan sayakaf erkey ke Odesa gu poana kobara vas 20 tanda zo lanzar. Moi abic viel koe sogza lakser.

Tere ko Kara xalta zo stakser. Moi altofa estera va Nadejda Sigida, ba 07/11/1889 do Maria Kovalevskaya is Nadejda Smirnitskaya is Ivan Kalyujni berikye kan morfina jivabuca vas dugapa kser, kevotceteson va flintafa vertuma is volayafa tigara. Ba 10/11 tere xonuker.

Dere rupec

Rossiafa artowasikya

Vuestexeem

  • (ru) « Калюжная, Мария Вacильевна » dene internetxo

    Maria Kalyujnaya

     Koblira  1864,
     Lebdin, gola ke Xarkiv, Ukraina
     Awalkera  10/11/1889,
     Ust-Kara, Sibiria, Rossia
     Vedeyot  Rossia
     Tegira  Galbedus artowasik
      Bifa 
      Tuveli icde Izvopa 
    Xe koe xalta ke Kara, 1891

    Varvara AleksandrovaMaria AnaninaNatalya ArmfeldAlyona ArzamaskayaSofia BardinaFanya BaronEkaterina BartenevaVarvara BatyuckovaAnastasya BitsenkoSofia BogomoletsAnisya BolotinaEkaterina Brecko-BreckovskayaMaria CkolnikLidya EzerskayaRebekka FialkaLidya FignerVera FignerYevgenya FignerGesya GelfmanEmma GoldmanXristina GrinbergRaisa GrossmanSofia Ivanova-BoreycoAleksandra IvanovskayaEvdokia IvanovskayaPraskovya IvanovskayaAleksandra IzmaylovitcMaria KalyujnayaFanni KaplanNatalya KlimovaNatalya Kogan-BernsteinZinaida KonoplyannikovaMaria KovalevskayaElizaveta KovalskayaYulya KrukovskayaMaria KutitonskayaTatyana LebedevaSofia LeschernOlga LyubatovitcVera LyubatovitcFani MoreinisMaria NikiforovaSofia PerovskayaAnna Pribilyova-KorbaAnna RasputinaYevgenya RatnerNeonila SalovaNadejda SigidaNadejda SmirnitskayaMaria SpiridonovaMaria SubbotinaNadejda SubbotinaYevgenya SubbotinaOlga TaratutaLyudmila TerentyevaAnna ToporkovaMaria VetrovaLyudmila VolkensteinAleksandra XorjevskayaAnna YakimovaVera Zasulitc

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.