Kudjotya ke Galgenberg

Kudjotya ke Galgenberg tir kudjama kum kusaf fruktul, ontinafa gu 7.2 cm- is aldofa gu 10 g-.

Evlara kan 14-e beba va klaa vas 30 000 AR tanda gotur nume jupar da ina gu ont Aurignac Sare Sare ont Gravette Sare Sare di zo yofter. Abdi kosmara va Kudjotya ke Hohle Fels, tiyir to tela losavsafa grupena kudjotya.

Kudjotya ke Galgenberg, liotaf wiks
Lentuf wiks

Bat kudjot ba 23 lerdeaksat ke 1988 zo trasiyir, xuton gu kojoxara va tcabanesikafa buta datcon ice Galgenberg mefta koe Stratzing dota poke Krems widava ke Ostera.

Ge ke kudjot tir azekafe isen wanca va tela ke stutesikya nutiaver. Batdume, vuesteson va Fanny Elssler gu « Fanny stutesya ke Galgenberg » dere zo dayoltar. Voldum aryona kudjotya lonoeltafa ke gola ( ke Willendorf, is ke Dolní Věstonice ), tir loon gedelafa voxen inafa gadikyuca tir denansafa. Lantan va ina gu tcabanesik dem stalce moe epita dace pimtad.

Kudjot ape lizukon zo epuyur kiren ug sotir lizukxantaf. Koe tcilaxe ke Wien zo divaykar isen ksudaks koe Stratzing tigir.

Dere rupec

Vuestexa

    • Das neolithische Fundmaterial von St.Pölten/Galgenleithen, Mitteilungen der Anthropologischen Gesellschaft in Wien, Wien 108.1978, 50ff. ISSN 0373-5656
    • Zur altsteinzeitlichen Besiedlungsgeschichte des Galgenberges von Stratzing/Krems - Rehberg, Archäologie Österreichs. Mitteilungen der Österreichischen Gesellschaft für Ur- und Frühgeschichte. Bd 18. Wien 4.1993,1,10 ff. ISSN 1018-1857
    • Bednarik, Robert (1989), The Galgenberg figurine from Krems, Austria. Rock Art Research. 6. 118-25
    • Christine Neugebauer-Maresch, Le Paléolithique en Autriche, Ed. Jérôme Millon, 1999. ISBN 2-84137-088-7

    Kudjotya ke Galgenberg
    KOSMARA
    KosmaxoGalgenberg, Stratzing
    Ostera  
    Maneka48° 27′ L-, 15° 36′ R-
    EVLARA
    SareGravette Sare
    Evla30 000 AR tanda
    KIRA
    Gije7.2 cm-
      Tuveli icde Izvopa 
      Tuveli icde Yamba 
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.