Julfa
Awalkikxo ke Julfa ( armenavon Ջուղայի գերեզման ; azaravon Cuğa nekropolu ) tiyir armenafo awalkikxo tigiso talte Julfa widava koe Naxçivan winka ke refa Azara jowon ice Irana. Bato awalkikxo tiyir telo logijafo dem xatckar atcom ke izvafa Armena, ruldaso vas 10000 olkoy titi XX-eafa decemda nek ware 3000 moi vilara. Lo atcom tiyid ontinaf is vwepaf kum keraf drelk, evlon gu tena ke XVI-eafa decemda ik toza ke XVII-eafa, ise warzeks ke aptolafa serna. Awalkikxo bak 1998 ik 2005 gan Azara zo kalvilayar. DebalaLizuk ke awalkikxo poke talteon Julfa widava [1] koe Nakhichevan winka ke refa Azara jowon ice Irana tigir [2], i koe Vaspurakan izvafa winka ke Armena. Welmot ke awalkikxo tiyir vas 1.6 decemiray, moe baroyi kesi kale Aras kuksa.[1] Awalkikxo dem xatckar atcomBato awalkikxo tiyir telo logijafo ke izvafa Armena [3] ( dem kunoy atcom titi XX-eafa decemda ) [4]. Lo xatckar atcom tiyid ontinaf is vwepaf kum keraf drelk, evlon gu tena ke XVI-eafa decemda ik toza ke XVII-eafa, ise warzeks ke aptolafa serna.[5] Neken tel losavsaf olkoy tiyir evlaf gu 1160 [6] isen konakar ke tena ke XV-eafa decemda.[7] Tel lojotaf olkoy bak XVIII-eafa decemda zo skuyud.[8]
VilaraLevvilara va awalkikxo kaiki sovietafa rekola bak 1998 zo bokayar viele 800 xatckar atcom zo vilayad. Kevotcera ke UNESCO grustaks azavzayar.[11] Neken awalkikxo bak 2002 ik 2005 koton zo tipoker [3], bal « vilasa sopera azedeyena gan bowere ke Azara » wanuyayana male iranafa jowa.[12] Bata vilara tir lan pak ke azerafa sugara va relvara va izvafa armenafa tigira koe Naxçivan winka.[13][14] Nekev merotaklena wazdexa bowere ke Azara meuckur, isen Ilham Aliyev taneagadesik va koridara gu rotuxadara is pistolera duvur.[15] Dere rupec► Xatckar Vuestexa
|