Chato (tculk)

Chato tculk

Chato tir merunkaf tculk koe Guanacaste jaka ke Costarika, tigis koe lentefa Guanacaste winka is Arenal tculk vedeyaf gerd, poke Arenal beraf tculk.

Sidopa

Chato tculk tir ki ke jelaf bolk do Arenal. Titak vas divroidayana buga dem xakola vas mon 550 m- kerelena gu vizuafa uzdama dambaf vas 19 m- ruldar. Welmotack ke tculk tir vas mon 10 km².

Icde raporopa, inafa tadlexa tir dem andesite burgi. Tano yazidaxo ke tculk dilizeyeso weti 38000 tanda va tazukara va narda ke Fortuna kuksa ontinafa gu 60 m- kevu ronefa eliwa ke tculk nazbayar. Dizvera va disukexa ke bata narda tir tana koyutarulafa sumpara ke gola.

Chato tculk va toloy tculksfelt varoneon tigis is yoltkiraf gu Chatito is Espina dikir.

Tculkafa tegira

Meka tculkafa tegira remi boniarugal zo verteyer. Tela bocafa tegira tir weti 3500 ik 3700 tanda voxen tela losavsafa weti mon 38000 tanda.

Tuwavafa kulaca

Gola dem Arenal tculk isu Chato tir tano zolonafo koyutarulaxo ke patecta. Valey buguzda, moe Chato isu aname, ketafa aala is baspexo is jontika ujiwa is binka is narda ke Fortuna kuksa tulon tid. Chato tculk koe Arenal tculk vedeyaf gerd zo nendar.

Ewavak

Buguzda ke Chato tculk
Narda ke Fortuna kuksa

Dere rupec

Tculkeem ke Costarika

Stragela

(es) OVSICORI. Observatorio Vulcanológico y Sismológico de Costa Rica (OVSICORI)
(es) Vulcanología. Red Sismológica Nacional (RSN)
(en) Tculkeem ke tamava : Costarika
(en) Tculk ke Mexika is Istefa Amerika - Costarika, Global Volcanism Program

Iyelt ke Chato dene Global Volcanism Program internetxo
(es) Alvarado Induni, Guillermo (2011). Los volcanes de Costa Rica. Editorial de la Universidad Estatal a Distancia. p. 335. ISBN 9968-31-679-2

Chato

Tculk

TAWAVOPA

Meftava

Tilarán jaka

Ontine

1140 m-

Welmot

10 km²

Maneka

10°26'31" L-, 84°41'17" R-

SIDOPA

Klaa

Ord

lukoptaf feytculk

Runkuca

merunkaf divlankes tculk

Bocafa divlankera

3500-3700 AR

GVP beksa

345033

TAWAVO

Patecta

Costarika

Gola

Alajuela winka

Liwot dem tculkeem ke Costarika

Tculkeem ke Costarika
Arenal • Barva • Cacho Negro • Chato • Congo • Irazú • Miravalles • Orosí • Platanar • Poás • Porvenir • Rincón de la Vieja • Tenorio • Turrialba • Zurquí

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.