Arzashkun

Arzashkun tiyir taneafu kelu ke Urartu gazaxo bak -IX-eafa decemda, abdida Sarduri I ko Tushpa bak -832 AGJ arbureyer. Arzashkun va jontolafa rebavega is konak rasek digiyir neke bak -840 gan Assur Salmanasar III zo olgalicuyur.

Yolt is debala

Arzashkun nutir Assur tazuk ke armenavaf yolt vey Arjesh ( Արճեշ ) dasugdayas va savsafa vema lentrone Van uzda lize refa Erciş widava koe izvafa Armena vox batugale varone Turka tigir. Sedme armenaf izvopik, co rotir debak ke Ardzik rone Malasgert.

Tena ke Arzashkun

Kene domega ke Tigra kuksa, Urartu drekirafa soka bak -IX-eafa decemda awiyir. Salmanasar III krupteyer da ina kev dulap ke Assur dratceweyer nume bak -857 va brinuga grustayar. In etimayar da va Arzashkun kelu al vilayar, abdulakison kal Van uzda, nume va kosuteks keve Irritia mefta iskeyer.

Salmanasar va ebeltaf prast rojulas va tawuk volmiv kolnayar. Kosuteks ( 35-e ik 44-e conya ) kalir :

« Bak jinafa gazasa barda, Ahuni nazbeikye ke Adini gan jinafa gijarotifa ervolia zo kovudayar nume va Til-Barzip gazafa widava jovleyer. Va Eufratos bost al remlakí. Va Ana-Assur-utir-asbat widava tigisa kaike Eufratos kene Sagur kuksa yoltayana gu Pirru gan Hatti saneik al konarí. Azon dimlakison va roz ke Alzi patecta al remigá. Va Alzi patecta is Suhni is Daiaeni is Tumme is Arzashkun gazakelu ke Arame armenaf gazik, az Gilzanu is Hubushkia al levrotí ».

Vuestexa

    Arzashkun
    DEBALA
    Debala? Erciş, Van gola
    Turka  
    Maneka 
    KIRA
    OrdUrartu ralma
    Welmotkm²
    IZVA
    Zabduraabdi 840 AGJ
    Jovlera≈ 840 AGJ
    Ayafe sareUrartu, Azilugal
      Tuveli icde Izvopa 
    Urartu : savsugalafo gazaxo ke Pokefa Lenteka  
    Gazik

    ArameLutipriSarduri IIshpuiniMenuaArgishti ISarduri IIRusa IArgishti IIRusa IISarduri IIISarduri IVErimenaRusa IIIRusa IV

    Debak

    AltıntepeArgishtikhiniliArzashkunAyanisBastamErebuniRusahiniliSardurihiniliTeishebaniTushpa

    Lorik

    ArubaniHaldiHubaShiviniTeishebaTushpuea

    Araya

    UrartuavaAlkaYamba

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.