Anabar (kuksa)
Anabar ( rossiavon Анабар, yakutavon Анаабыр ) tir bost valentrone Sibiria koe Saxa Sokasane ke Rossia.
| Anabar | |||
| |||
| KIRA | |||
| Abrotce | 939 km- | ||
| Kuksaxo | 100 000 km² | ||
| Bost | Anabar | ||
| Celack | artexo : 498 m³/v- | ||
| SALT | |||
| Klita | Anabar azekexa | ||
| Artexo | Laptev Bira | ||
| Kovoapa | Malaya Kuonamka, Udya, Ebelyax, Mayat, Uele, Suolema, Konnies, Xarabil | ||
| TAWAVO | |||
| Patecta |  Rossia | ||
Abrotcafa gu 939 km-, dem bostxo vas 100 000 km² is celack vas 500 m³/v-. Va Laptev Bira ke Arktika Welfa konir.
Tawavopa
Klita ke bost koe Anabar azekexa tigir ise artexo ton wenza va Anabar ceda konir. Bata wenza tir tela loronefa ke Rossia. Kaikeon ronon, artexo ke kot sibiraf bostap tir ton riska. Anabar bost tir lerdaksaton tapanaf mali tena ke lerdeaksat kali toza ke teveaksat.
Kovoa
Nelkafa kovoa ke Anabar bost tid :
| Kotavaf yolt | Rossiavaf yolt | Abrotce ( km- ) |
Kuksaxo ( km² ) | Domega |
|---|---|---|---|---|
| Malaya Kuonamka | МалаяКуонамка | 457 | 24 800 | Ronefa |
| Udya | Удя | 455 | 15 700 | Ronefa |
| Ebelyax | Эбелях | 108 | 1 890 | Ronefa |
| Mayat | Маят | 115 | 1 030 | Ronefa |
| Uele | Уеле | Ronefa | ||
| Suolema | Суолема | 262 | 7 440 | Taltefa |
| Konnies | Конниес | 103 | 1 090 | Taltefa |
| Xarabil | Харабыл | 139 | 3 180 | Taltefa |
Lavopa
Cel ke bost remi 46 tanda ( 1954-1999 ) koe Saskilax arte 200 km- male artexo zo dizveyer. Celack tiyir 453 m³/v- moe bostxo vas 78 000 km², ont vas 80 % de kotak, larde vatitefo Uele kuksaxo zo goloplekur.
Vuge ke cel wali toleaksat ik balemeaksat zo dizver. Bost koe bata rekola tir koton tapanaf. Cugaf aksateaf cel tir tel ke teveaksat, vas 3196 m³/v-. Cadimeafa arapeniwera tid granafa. Dizveyena wegona tiyir vas 5000 m³/v- bak teveaksat ke 1967.
Monaxo kene Anabar
Bost va gola disa va nustapafa lidawicka koonir numen sanelia ke bostxo tir axapafa. Anton Saslikax monaxo ( mon 2300 ir- ) arte 200 km- male artexo is Yuryung Xaya ( mon 1000 ir- ) va miwara riwed.
Skapa
Anabar bostxo va konaki lozolonafi duzafi vruni ke tamava dir. Bat rob tir tan ziliduksap ke gola.
Afigasuteks
Wiks va bost.jpg.webp)
Wiks va bost
Wiks va bost
Srednaya kuksa, ronefa kovoa ke Anabar bost
Saskilax monaxo
Yuryung Xaya monaxo
Dere rupel
 | Bost ke Rossia |
|---|---|
| Alazeya • Amur • Anabar • Anadir • Dnipro • Don • Indigirka • Kamtcatka • Kolima • Kuban • Lena • Mezen • Nadim • Narva • Nemunas • Neva • Ob • Olenyok • Onega • Oxota • Penjina • Petcora • Pur • Pyasina • Severnaya Dvina • Taymir • Taz • Terek • Uda • Ural • Volga • Xatanga • Yana • Yenisey | |