Cesar Newashish
Enko anaha kewir kice iriniw kaki kaskina wec kiskeritakositc tepirak eki wapatarietc kaki ici ititoskeritci omocoma kaie otaia Seni Newashish acitc kaskina Atikamekw iriniwa. Wikwas tcimaniw ki ocitaw e micitakarik nipira ka postasonaniok kaie matci ka mitcetokatek kecpin micta sakihikanik e mickaniok kekotc kitcikamik. Tekaci misiwe notcimik e otinikatek anihe ke iti apatak kotc ke icitakaniok wikwas tciman. Nama meka ki otci takon anihe piaspiskw weckatc nehirowisiskak picicikw tca notcimik ki otinikatek ke irapataki. Enkweriw tca kaki ici wapaketc e iti ocitakanionik nac kewir eki iti kackitatc kotc ka tipi asitatisitc kitci ocitatc kewir tca eki iti matce kiskinihomwatc tipirowe onitcanica kirika anihi onahakicima peikon kaie anihi otanisa eki iti micta kackitaritci wec e aititoskeritci. Erowek tca wec ki nokosiw masinactetcikanik kirika eki iti masinacteparitc. Kaskina wec ki actakanioniw otcimanikana tepirak e iti wectcikaterik kaskina awik kitci wapatak kaie kitci kiskeritak e ici kewir kackitatc Atikamekw nehirowisiw. Mictahi sa kotc kewir ki nokoniw kaki ici kanaweritak nehirowisiw weckatc otitoskewin kirika okitaweritamowin. Tapwe tca kiapatc anotc kiskeritam kaki pa icinakonik nehirowisiw okitci otirapatcitcikana.
| awin mia | iriniw  |
|---|---|
| askik iriniw | Kanata |
| e icinikasotc | Cesar |
| e ici wirakaniwitc | Newashish |
| pitc ka nitawokitc | 1904 |
| taci we otcitc | Manawan |
| pitc ka ponipimatsitc | 1997 |
| taci ka tci ponimatisitc | Coriet |
| otawiwa | Seni Newashish |
| tan e ici arimowetc, e ici masinahiketc | Atikamekw Nehiromowin |
| e ki ititosketc | ocitakanike iriniw |
| otenaw | Manawan |
| participant à | Mariposa Folk Festival 1971 |
| collection comprenant une œuvre de la personne | Musée de la civilisation |
| statut des droits d'auteur du créateur | œuvre sous droits d'auteurs |
Ka ki itekoponen
Mekwatc e maskocik akosiwokamikokw e kiotamowakaniwitc, ki itekopon aka wiskat ke onikaniwokw otarimowewin. "Witamowikok aka wiskat eki otci pakitinamokw kitaskino, nama wiskat ki otci atawanano, nama wiskat ki otci meckotonenano, nama kaie wiskat ki otci pitoc irakonenano Kitaskino." Anotc kaskina kekat okimawokw apitcitawokw ohweriw ot arimowewin.