Zubenelgenubi (del árabe الزبن الجنوبي (az-zuban al-janūbiyy,"la pinza sur (del escorpión)) ye la segunda estrella más brillosa de la constelación de Llibra, conocida tamién como α Librae, Kiffa Australis o Elkhiffa Australis (traducciones parciales al llatín del árabe al-kiffah al-janūbiyy, "el platu sur (de la balanza de Llibra)). Esta constelación alcuéntrase cerca de la d'Escorpión; los árabes d'antiguo consideraben a Zubenelgenubi y a Zubeneschamali les pinces del signu del zodiacu. Sicasí, los romanos depués inventaron la constelación de Llibra quitándo-y estrelles a la de Scorpio, razón pola que les estrelles más brilloses de Llibra llámense Zubenelgenubi (pinza sur del Escorpión) y Zubeneschamali (pinza norte del Escorpión).

Zubenelgenubi ye una estrella doble visual, tando dambes componentes separtaes una distancia angular de 231" (3'51"). La más brillosa de les dos ye una estrella blanca (tipu espectral A3 y magnitú aparente 2,8) y la otra estrella ye mariellu-pálida de tipu espectral F4 y magnitú aparente 5,2. De la mesma, la más brillosa de les dos paez ser un sistema estelar doble, formáu por dos estrelles tamién de clase A, éstes bien próximes ente sigo (menos d'una UA). El sistema alcuéntrase a 77 años lluz del nuesu sistema solar.

Zubenelgenubi ta cerca de la eclíptica y puede ser despintada pola lluna y más raramente por planetes: el próximu tapecimientu por un planeta (Mercuriu) va ser el 10 de payares de 2052.

Referencies

Enllaces esternos

Datos astronómicos de Zubenelgenubi. Coordenaes: 14^h 50^m 52.8^s, -16^° 2^′ 30.012^″