.svg.png.webp){kind=small}
Coordenaes: 
16h 41m 17.161s, 31° 36′ 9.787″
Zeta Herculis (ζ Her / 40 Herculis / HD 150680) ye la segunda estrella más brillosa na constelación d'Hércules con magnitú aparente +2,89. Dacuando recibe'l nome de Rutilicus, que tamién s'utiliza pa designar a Kornephoros (β Herculis).
Zeta Herculis ye una estrella binaria relativamente cercana a la Tierra, a namái 35 años lluz de distancia. La estrella principal, Zeta Herculis A (GJ 635 A), ye una estrella mariella de tipu espectral G0IV y 5780 K de temperatura, que ta abandonando la secuencia principal pa convertise nuna estrella xigante. Arriendes d'ello, anque de tipu espectral similar al Sol, ye 6 vegaes más lluminosa qu'ésti y el so diámetru ye 2,5 vegaes mayor.
La otra componente del sistema, Zeta Herculis B (GJ 635 B), ta dixebrada una media de 15 UA y emplega 34,5 años en completar una órbita en redol a la estrella principal. Ye una nana mariella daqué más pequeña y fría que'l Sol, siendo'l so tipu espectral G7V. La escentricidá de la órbita fai que la separación ente les dos estrelles varie ente 8 y 21 UA.
El sistema forma parte de l'Asociación estelar de Zeta Herculis, estrelles con un orixe común y con un movimientu similar pel espaciu. Esti grupu inclúi a φ2 Pavonis, ζ Reticuli, 1 Hydrae, Gliese 456, Gliese 678 y Gliese 9079.
Ver tamién
Referencies
- ↑ Afirmao en: Catálogo de Estrellas Dobles Washington.
- 1 2 3 4 5 6 7 8 Afirmao en: SIMBAD.
- 1 2 3 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- 1 2 «Abundances in the Local Region II: F, G, and K Dwarfs and Subgiants». The Astronomical Journal (1). 21 avientu 2016. doi:.
- ↑ «Determination of orbital elements of spectroscopic binaries using high-dispersion spectroscopy». The Astronomical Journal (2): páxs. 41. 11 xineru 2013. doi:.
- ↑ «The Physical Basis of Luminosity Classification in the Late A-, F-, and Early G-Type Stars. I. Precise Spectral Types for 372 Stars» (n'inglés). The Astronomical Journal (4): páxs. 2148–2158. abril 2001. doi:.
