Enantes de Yoigo: Xfera

Nun principiu esti operador diba llamase Xfera,^[1] un nome que se caltién anguaño na so denominación xurídica. Ñació en 2000 pa competir en concursu por una nueva llicencia UMTS n'España, qu'acabó ganando. Daquella, los sos principales aicionistes yeren la compañía francesa Vivendi, la constructora española ACS y l'operador de telefonía móvil escandinavu Sonera, tamién conocíu como TeliaSonera. Yoigo quería apostar asina pola teunoloxía 3G por aciu de tarifes más accesibles pa los usuarios, yá que la escasa competencia del momentu incidía nel altu costu de les tarifes esistentes per parte de les compañíes telefóniques..^[2] Sicasí, por cuenta de múltiples problemes teunolóxicos y de mercáu, y en sintonía col retrasu xeneral sufiertu nel llanzamientu de la teunoloxía UMTS en toa Europa,^[3] la compañía permaneció ensin actividá comercia dellos años.

Tres cambeos nel aicionariáu,^[4][5] una ampliación de capital, l'amenaza de retirada de llicencia per parte del Gobiernu español si nun s'empecipiaba l'actividá pública,^[6][7] y pa evitar la execución de los 467 millones d'euros depositaos en conceutu d'aval, en xunu de 2006 entamó la revitalización de Xfera, cuando TeliaSonera optó por facese col 76,56% de la empresa mercando la participación de dellos aicionistes.^[8][9] Nun primer prealcuerdu alcordárase que TeliaSonera va quedase col 80% del capital de la compañía y ACS col 20% restante, y que'l restu d'aicionistes abandonaren la compañía, pero finalmente FCC y Abengoa caltenieron la presencia nel aicionariáu.

Cuando Xfera salió al mercáu, la estructura aicionarial de Yoigo yera la siguiente:^[10]

• TeliaSonera: 76,56%
• ACS: 17%
• FCC: 3,44%
• Abengoa 3%.

Yoigo

Tienda de Yoigo

Una vez tomáu'l control de la compañía, TeliaSonera anunció que Xfera saldría al mercáu nel mesmu añu 2006. N'ochobre d'esi añu anuncióse que'l nuevu nome de la compañía sería Yoigo y que les ventes van entamar n'avientu.^[11] Nomóse Conseyeru Delegáu de Yoigo al suecu Erik Johan Andsjö. En setiembre de 2012 Johan Andsjö dexa Yoigo, incorporándose Eduardo Taulet como nuevu CEO quien nesi momentu cuntaba con tan solo 33 años d'edá. Eduardo Taulet foi direutor de Marketing y Ventes de la marca.^[12] A partir de los finales de 2016, entamó a ufiertar servicios de Fibra Óptica y ADSL en cinco ciudaes: Madrid, Sevilla, Toledo, Huelva y Zaragoza. El 1 de xunetu de 2017, Yoigo entamó a ampliar la cobertoria de Fibra Óptica y ADSL en toa España.

El 3 d'abril de 2018 Yoigo inauguró n'España la tarifa con gigas móviles ilimitaos, siendo la primer vegada qu'un operador de telecomunicaciones n'España ufiertaba un serviciu qu'incluyía fibra óptica y llamaes y gigas infinitos dende móvil.^[13]