Xulio Vixil
Vida
Nacimientu Santuyano, 30 de xunetu de 1964 (59 años)
Nacionalidá España
Estudios
Estudios Universidá d'Uviéu
Llingües falaes castellanu
asturianu
Oficiu escritor
Premios
Cambiar los datos en Wikidata

Xulio Vixil Castañón (30 de xunetu de 1964, Santuyano) escritor asturianu nacíu nel conceyu de Bimenes.

Llicencióse en Filoloxía Hispánica na Universidá d'Uviéu. En 1987 ganó'l concursu de poesía de l'Academia de la Llingua Asturiana y en 1992 el concursu de creación lliteraria Lorenzo Novo Mier, tamién de l'Academia. Estos dos premios diéron-y un gran nome dientro de les lletres asturianes. En 1993 espubliza Silvia la Negra (Ed. del Norte), un llibru de rellatos pol que-y conceden el Premiu Xardón de la Editorial Azulcel. Recientemente tien espublizada la so última novela L'inmoral (Ed. Trabe), que representó otra sorpresa nel mundu lliterariu asturianu. En setiembre de 2023, anúnciase que la so novela Miel amargo ye la ganadora de la XLIV edición del premiu Xosefa Xovellanos[2]. A parte del so llabor lliterariu tamién participa nes revistes Lletres Asturianes y Lliteratura y tien un programa na emisora Radio Sele.

Obres

  • A la gueta l'alba (1987)
  • El paraísu blancu (1992)
  • Silvia la negra (1993)
  • El suañu de los vivos (1994)
  • L'inmoral (2005)
  • Miel amargo (2023)

Referencies

  1. ↑ «asturies.com» (asturianu). Consultáu'l 16 ochobre 2023.
  2. ↑ Xulio Vixil gana’l so primer Premiu Xosefa Xovellanos con ‘Miel amargo’ asturies.com Consultao'l 08.10.2023

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.