Xuegos Olímpicos d'Ámsterdam 1928
Xeneral
Tipu de competición Xuegos Olímpicos de branu
País Países Baxos
Historia
Desapaición 12 d'agostu de 1928
Competición
Participantes 46 estáu nos Xuegos Olímpicos
2883 Atleta Olímpico (es) Traducir
Xuegos Olímpicos de París 1924 Xuegos Olímpicos d'Ámsterdam 1928 Xuegos Olímpicos de Los Angeles 1932
Web oficial
Cambiar los datos en Wikidata
Póster de los Xuegos Olímpicos d'Amsterdam 1928.

Los Xuegos Olímpicos d'Amsterdam 1928, oficialmente conocíos como los Xuegos de la IX Olimpiada, celebráronse n'Ámsterdam, Países Baxos ente'l 17 de mayu y el 12 d'agostu. Participaron 2883 atletes (2606 homes y 277 muyeres) de 46 países, compitiendo en 14 deportes y 109 especialidaes.[1]

Acontecimientos

El Stadion Olympisch en 1928.
  • Los Países Baxos postulárense pa los Xuegos Olímpicos de 1920 y de 1924. Sicasí, fueron ganaos per Amberes, víctima de la Primer Guerra Mundial y París.
  • Alemaña foi readmitida tres 16 años d'ausencia, como manera de demostrar que la paz fuera restablecida nel mundu.
  • Per primer vegada realizóse l'encendíu del pebeteru cola Llapada Olímpica, que se caltuvo viva mientres la realización de los Xuegos.
  • El protocolu tuvo otra adición cuando Grecia, trubiecu del Olimpismu, encabezó'l desfile de naciones na ceremonia inaugural y Países Baxos, el país anfitrión, coló n'últimu llugar. La costume d'empecipiar los desfiles con Grecia y zarralos col organizador caltiénse dende entós.
  • Una bultable ausencia produció'l fundador de los xuegos, el barón Pierre de Coubertin, que nun allegó a los Xuegos por cuenta de una enfermedá. Coubertin dexara de ser presidente del Comité Olímpicu Internacional dende 1925.
  • Les muyeres compitieron per primer vegada n'atletismu, magar les oxeciones de Coubertin y del Papa Pío XI, anque se llindó la so participación a cinco eventos. L'alemana Lina Radke-Batschauer foi la segunda atleta en ganar una medaya d'oru pal so país n'eventos de pista y campu al ganar la carrera de los 800 metros. Esta prueba recuérdase porque'l restu de les competidores sufrieron pola fatiga estrema y ello provocó que'l Comité Olímpicu Internacional, so la conducción del so nuevu presidente, el belxicanu Henri de Baillet-Latour, suspendiera la prueba de 800 metros femeninos hasta 1960.
  • Dos héroes olímpicos caltuvieron el so dominiu nos sos respeutivos terrenes: el finlandés Paavo Nurmi collechó tres medayes d'oru más en pruebes de fondu y mediu fondu pa rematar la so brillosa trayeutoria con nueve metales doraos. Pela so parte, Johnny Weissmüller volvió imponese na prueba de velocidá de los 100 metros de natación llibre y foi parte pa despidise con cinco oros en natación y un bronce en polu acuáticu.
  • La diversidá foi otru sellu d'estos xuegos. Deportistes de 28 naciones en total ganaron dalguna medaya d'oru, récor que nun foi superáu hasta 40 años dempués. El continente asiáticu llogró les so primeres presees doraes gracies a los xaponeses Mikio Oda, en triple saltu, y Yoshiyuki Tsuruta, en 200 metros natación pechu, amás, de que la selección de ḥoquei de la India ganó la primera de les sos seis medayes d'oru consecutives, de 1928 a 1960.
  • Chile llogra la so primer medaya. Na prueba de maratón, el suplementero Manuel Plaza llogró la medaya de plata.
  • La realeza fixo presente no más alto d'un podiu olímpicu per primer vegada, gracies al príncipe Olaf de Noruega, que ganó l'oru nes competencies de vela, na especialidá de yate de seis tripulantes.
  • L'exipciu Ibrahim Moustafa foi'l primera non européu en ganar un eventu de llucha grecorromana
  • La italiana [Luigina Giavotti]] convirtióse na medayista más moza de tolos tiempos al ganar la plata en ximnasia como parte del equipu d'Italia a los sos 11 años y 302 díes d'edá.
  • Uruguái ganó la medaya d'oru per segunda vegada consecutiva, la primera foi en 1924, siguiendo asina la so supremacía nel fútbol mundial. Ganó a la selección d'Arxentina na final.
  • Adidas introdució los sos productos per primer vegada nos Xuegos Olímpicos.

Deportes

El programa olímpicu nesta edición entendía 14 deportes y 109 pruebes.

Deportes nos Xuegos Olímpicos d'Amsterdam 1928
Atletismu | Boxéu | Ciclismu | Equitación | Remane | Fútbol | Ximnasia | Halterofilia | Ḥoquei | Llucha | Natación | Pentatlón modernu | Remu | Saltos de natación | Vela | Waterpolu

Países participantes

Países participantes (n'azul, los debutantes).

Los países participantes na olimpiada d'Amsterdam fueron:

Alemaña, Arxentina, Australia, Austria, Bélxica, Bulgaria, Canadá, Checoslovaquia, Chile, Cuba, Dinamarca, Exiptu, España, Estaos Xuníos, Estonia, Filipines, Finlandia, Francia, Grecia, Haití, Hungría, India, Irlanda, Italia, Xapón, Letonia, Lituania, Luxemburgu, Malta, Méxicu, Mónacu, Noruega, Nueva Zelanda, Países Baxos, Panamá, Polonia, Portugal, Reinu Xuníu, Rhodesia, Rumanía, Sudáfrica, Suecia, Suiza, Turquía, Uruguái y Yugoslavia.

Referencies

  1. ↑ «Factsheet: The Games of the Olympiad» (inglés). Comité Olímpicu Internacional (octubre de 2013). Consultáu'l 23 de payares de 2013.

Enllaces esternos


Predecesor:
Bandera de Francia París 1924		 IX Xuegos Olímpicos de branu
Bandera de Países Baxos Amsterdam 1928		 Socesor:
Bandera de Estaos Xuníos d'América Los Angeles 1932
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.