El Premiu de novela Xosefa Xovellanos ye un premiu de calter añal que convoca'l Gobiernu del Principáu d'Asturies pa premiar la creatividá lliteraria en prosa n'asturianu. Considérase el premiu de narrativa más prestixosu en llingua asturiana mesmo n'Asturies que nel restu de territorios del dominiu llingüísticu astur.^{[ensin referencies]}

Historia

El premiu naz nos años 1980 conocíu col nome de Primer Concursu de Narraciones Curties en Bable y Castellanu "Diputación d'Asturies", convirtiéndose na tercer convocatoria nel Premiu de Narraciones Curties "Principáu d'Asturies" y na cuarta nel Premiu de Narraciones Curties "Xosefa Xovellanos". Namái que va ser na sesta onde algama la forma actual Premiu de novela Xosefa Xovellanos.

Pónse-y esti nome n'alcordanza de la que foi la primer escritora n'asturianu, arriendes d'intelectual ilustrada, Xosefa Xovellanos (Xixón, (1745-1807)) más que nun escribiere nenguna novela propiamente dicha.

Llistáu de ganadores^[1]

Noveles ganadores del Xosefa Xovellanos.

• 1ᵉʳ edición (1980, Primer Concurso de Narraciones Cortas en Bable y Castellano) otorgáu pola Diputación d'Asturies:

N'asturianu: Astor o un ensayo pa una nueva mitoloxía de Miguel Solís Santos y Pul sendeiru la nueite de Roberto González-Quevedo.

En castellanu: Bosquejo de una sombra de José Ángel Ordiz Llaneza.

Los premios falláronse'l 30 de xineru de 1980, anque nun se publicaron los rellatos hasta 1982, tando'l xuráu compuestu de la siguiente manera:

Xuráu n'asturianu: Daniel Valentín Ruisánchez (Presidente), Carmen Castañón y Xosé Lluis García Arias (vocales).

Xuráu en castellanu: Xuan Xosé Sánchez Vicente (Presidente), Carmen Bones, José Caso González y Sara Suárez Solís (vocales).

• 2ª edición (1981, Segundo Concurso de Narraciones Cortas en Bable y Castellano o Narraciones Curties Diputación d'Asturies):

N'asturianu: L'oxetu la caridá de Miguel Solís Santos y Xuan y Xuanín d'Andrés Solar.

En castellanu: Ermu.

Los premios falláronse en 1981, anque nun se publicaron los rellatos hasta 1982, tando'l xuráu compuestu de la siguiente manera:

Xuráu n'asturianu: María Nelly Fernández Arias (Presidente), Xosé Lluis García Arias, Carlos Rubiera Tuya, Florentino Friera Suárez y Álvaro Ruiz de la Peña Solar (vocales).

Xuráu en castellanu: Daniel Valentín Ruisánchez (Presidente), José María Martínez Cachero, Elías García Domínguez, Jovita Bones Naves y José Ángel Ordiz Llaneza.

• 3ᵉʳ edición (1982, III Premio Narraciones Cortas en Lengua Asturiana o Premio "Principado de Asturias" para Narraciones Cortas en Lengua Asturiana, 1982):

Ñublu de mar y de distancia de Carlos Rubiera. Primer premiu otorgáu pol Gobiernu Autonómicu al traviés de la Conseyería d'Educación y Cultura. Foi publicáu en Xixón en 1983.

• 4ª edición (1983, IV Concursu de Narraciones Curties en Llingua Asturiana «Xosefa de Xovellanos»):

La muerte amiya de nueche de Xuan Xosé Sánchez. Otorgáu pola Conseyería d'Educación, Cultura y Deportes. Foi publicáu n'Uviéu en 1984. Dotación: 150.000 pesetes

Referencies

Enllaces esternos