Xosé Antón Fernández
Vida
Nacimientu Ambás, 1974[1] (49/50 años)
Nacionalidá España
Estudios
Llingües falaes castellanu
Oficiu músicu, enfermeru, cantante
Miembru de Tuenda
N'arba
Seudónimu/os Xosé Ambás
Instrumentu musical gaita
pandereta
voz
panderu
Cambiar los datos en Wikidata

Xosé Antón Fernández (1974, Ambás), más conocíu col nomatu de Xosé Ambás ye un gaiteru, pandereteru, cantante y estudiosu de la tradición oral y musical d'Asturies y un referente nesta materia dientru del folclor asturianu.

Los sos raigaños afítense nel pueblu d'Ambás, aú la so familia atiende una quesería llamada Ca Sanchu, y que produz quesu Afuega'l pitu[2]

Etnógrafu

Hai más de 10 años (enantes de 1997) que se dedica a atropar toa mena de tradición oral pelos pueblos d'Asturies creando un archivu sonoru etnográficu de gran valor. Dende los catorce años busca informantes que ye como noma elli a la xente de los pueblos que-y tresmiten los sos conocimientos, sobretou cantares. Ente les sos informantes, Ambás siempre destaca a Pepa Las Murias (portada del discu Tuenda), Taresa de Restiellu, Dolores d'El Reboḷḷal de Degaña, Vitoria de Banduxu, Alicia de Pieiga y Celestina Ca Sanchu, que ye la so "buola".

Músicu

Dientro del mundu musical tradicional asturiano forma parte de N'arba y Tuenda, del que ye cofundador.

Televisión

Foi'l presentador de la serie documental Camín de cantares[3], serie documental emitida na TPA que tien a la muyer asturiana del mundu rural y a la tradición oral como protagonista. Depués del fin d'esta serie, presentó na mesma canal Camín[4], espaciu que sigue la llinia argumental del so predecesor pero abriéndose a otres estayes de la cultura tradicional.

Presentó tamién el programa de RPA Canta l'uxu, dedicáu al folclor y los vezos y costumes asturianes. Nesti programa emitiénse documentos sonoros y testimonios orales atropaos por Ambás.

Referencies

  1. ↑ «rexistru d'autoridaes BNE». Consultáu'l 4 xunu 2020.
  2. ↑ «Apaición de la quesería Ca Sanchu nel programa Port de la BBC dedicáu a Asturies». Consultáu'l 14 de setiembre de 2019.
  3. ↑ «Camín de cantares en RTPA». Consultáu'l 14 de setiembre de 2019.
  4. ↑ «Camín en RTPA». Consultáu'l 14 de setiembre de 2019.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.