Xampú (o shampoo, n'inglés, como tamién se ve nos embalaxes) ye un productu llíquidu emplegáu pa llavar el pelo.
La pallabra xampú data de 1877, y el so orixe paez venir de la pallabra Hindi chhamna, que significa abrazar, amasar, facer masax. Nes etapes iniciales de conceición del xampú, peluqueros ingleses disolvieron xabón n'augua con bicarbonatu de sodiu y amestáron-y herbes pa que-y dieren al pelo salú y aroma.
Orixinalmente, xabón y xampú yeren productos mui asemeyaos. Dambos yeren sustancies d'emulsión tensoautives, un tipu de deterxente. La formulación del xampú desendolcóse, tornándose específica pa la llimpieza del pelo, y non un productu pal cuerpu en xeneral. Al traviés del sieglu XX, estremaos tipos de xampús foron fechos pa caduna de les clases de pelo, y anguaño empléguense principalmente sustancies sintétiques.
L' acondicionador de pelo aplícase dempués del xampú p'ameyorar la testura y l'aspeutu del pelo.
