Wyoming

Wyoming
	Bandera de Wyoming (es)
Alministración
País	Estaos Xuníos d'América
ISO 3166-2	US-WY
Tipu d'entidá	Estaos d'Estaos Xuníos
Capital	Cheyenne
Gobernador de Wyoming	Mark Gordon
Nome oficial	State of Wyoming (en)
Nome llocal	State of Wyoming (en)
Llingües oficiales	inglés
División	ver condáu de Laramie, condáu de Natrona, condáu de Campbell, condáu de Sweetwater, condáu de Fremont, condáu d'Albany, condáu de Sheridan, condáu de Park, condáu de Teton, condáu d'Uinta, condáu de Lincoln, condáu de Carbon, condáu de Converse, condáu de Goshen, condáu de Big Horn, condáu de Sublette, condáu de Platte, condáu de Johnson, condáu de Washakie, condáu de Weston, condáu de Hot Springs, condáu de Niobrara y condáu de Crook;
Xeografía
Coordenaes	43°00′N 107°30′W / 43°N 107.5°O
Superficie	253348 km²
Llenda con	Montana, Dakota del Sur, Nebraska, Colorado, Utah y Idaho
Puntu más altu	Pico Gannett (es)
Puntu más baxu	Ríu Belle Fourche
Altitú media	2040 m
Demografía
Población	576 851 hab. (1r abril 2020)
Densidá	2,28 hab/km²
Viviendes	233 231 (31 avientu 2020)
Más información
Estaya horaria	UTC−07:00, Mountain Time Zone (MTZ) y America/Denver (es)
Fundación	10 xunetu 1890
	wyoming.gov

Wyoming ye ún de los estaos de los Estaos Xuníos d'América, asitáu nel Oeste del país. Llenda al norte con Montana, al este con Dakota del Sur y Nebraska, al sur con Colorado, al suroeste con Utah, y al oeste con Idaho y Montana. Ye'l décimu mayor estáu n'estensión y el menos pobláu, y tamién el segundu cola población más esparcida. La so población en 2019 (estimación de la Oficina del Censu) yera de 578.759 habitantes, menos de los que tienen les 31 mayores ciudaes del país^[1]. La so capital y mayor ciudá ye Cheyenne, que tenía 63.243 habitantes en 2020^[2].

Los sos dos tercios occidentales son montañosos, y tán ocupaos poles cordeleres y les camperes de los Montes Rocosos, mentantu que'l so terciu oriental ye parte de la meseta n'altura conocida como Grandes Llanures. Cuasi la metá del territoriu del estáu ye propiedá del gobiernu federal, repartíu ente dos parques nacionales (Grand Teton y Yellowstone), dos zones nacionales de recréu, dos monumentos nacionales y delles viesques nacionales, sitios históricos, cotos de pesca y reserves de caza.

Ente los habitantes nativos de la rexón rescamplen los de les etnies crow, arapaho, lakota y shoshone. El suroeste de Wyoming foi reclamáu pol Imperiu español, que nunca lu ocupó realmente, y dempués pasó a ser parte de Méxicu hasta que foi cedíu a Estaos Xuníos en 1848, tres de la guerra méxicu-americana. La rexón entamó a llamase Wyoming de magar una llei llevada al Congresu en 1865 pa dar forma llegal al «gobiernu provisional del territoriu de Wyoming». El nome usárase primero pa denomar el valle homónimu de Pennsylvania, y ye un deriváu de la pallabra en llingua munsee 'xwé:wamənk', que significa «na llanada del gran ríu»^[3].

Los principales pegollos de la economía del estáu son la estraccion de minerales (carbón, petroleu, gas natural y trona) y el turismu. Ente les principales producciones del sector primariu rescamplen el ganáu vacunu, la yerba seca, la remolacha, cereales como'l trigu y la cebada y la llana. El so clima ye semiáridu y continental, más secu y ventosu que'l del restu del país, con temperatures estremes neto en branu que n'iviernu.

La so población vota mayoritariamente al Partíu Republicanu dende la década de 1950: el candidatu d'esi partíu tien sacao los votos eleutorales del estáu de fomra ininterrumpida de magar, sacante nes eleiciones del añu 1964^[4]. Donald Trump sacó-y 46 puntos de ventaxa al candidatu demócrata en 2016, no que foi'l meyor resultáu del so partíu no que va del sieglu XXI.

Referencies

↑ Quick facts: Wyoming. 2019 Population estimates of the U.S. Census Bureau.
↑ City Population Totals: Cheyenne City, WY. U.S. Census Data. Consultáu'l 15 de mayu de 2020.
↑ Bright W, Native American Place Names of the United States, p. 576. Norman, 2004, University of Oklahoma Press.
↑ Dave Leip's Atlas of U.S. Presidential Elections. Consultáu'l 15 de mayu de 2020.

Enllaces esternos

Los 50 estaos d'Estaos Xuníos d'América

Alabama · Alaska · Arizona · Arkansas · California · Carolina del Norte · Carolina del Sur · Colorado · Connecticut · Dakota del Norte · Dakota del Sur · Delaware · Florida · Georgia · Ḥawai · Idaho · Illinois · Indiana · Iowa · Kansas · Kentucky · Louisiana · Maine · Maryland · Massachusetts · Michigan · Minnesota · Mississippi · Missouri · Montana · Nebraska · Nevada · New Hampshire · Nueva Jersey · Nueva York · Nuevu Méxicu · Ohio · Oklahoma · Oregón · Pennsylvania · Rhode Island · Tennessee · Texas · Utah · Vermont · Virxinia · Virxinia Occidental · Washington · Wisconsin · Wyoming

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Quick facts: Wyoming. 2019 Population estimates of the U.S. Census Bureau.

[2] City Population Totals: Cheyenne City, WY. U.S. Census Data. Consultáu'l 15 de mayu de 2020.

[3] Bright W, Native American Place Names of the United States, p. 576. Norman, 2004, University of Oklahoma Press.

[4] Dave Leip's Atlas of U.S. Presidential Elections. Consultáu'l 15 de mayu de 2020.

[1]

[2]

[3]

[4]