Sustantivos y axetivos

El venédico nun tien artículos. Esto ye una carauterística que la estrema d'otres llingües romances, tanto naturales como construyíes (incluyendo al esperantu y al ido). La razón pa esto ye que'l llatín vulgar amosaba namái un leve enclín a la formación d'artículos, ente que éstos son inesistentes en polacu y otres llingües eslaves.

A diferencia por casu del inglés, el venédico ye una llingua flexiva. Los sustantivos, los pronomes y los axetivos tienen trés xéneros (masculín, femenín y neutru), dos númberos (singular y plural) y trés casos:

• Casu direutu: usáu tantu pal suxetu como pal complementu direutu d'una frase. En: 'Miej poterz -yży libier "El mio padre llee un llibru", Miej poterz "el mio padre" y libier "un llibru" tán dambos nel casu direutu.
• Caso xenitivu: usáu pa indicar posesión. Por casu: siedź potrze "la siella del padre", rzejna Anglie "la reina d'Inglaterra".
• Caso dativu: usáu pa indicar el complementu indireutu d'una frase. Por casu: Da el mio ił libier "Dame esi llibru", Da el mio ło "Damelo".

El venédico tien tamién un casu vocativu. La mayor parte de les ocasiones tien la mesma forma que'l casu direutu, pero con esceiciones: O potrze! "¡Oh padre!"

El sustantivu puede estremase en cuatro declinaciones. Son similares al sistema de declinaciones llatines:

• La primer declinación entiende toles pallabres terminaes en -a, la gran mayoría de les cualos son femenines.
• La segunda declinación consiste principalmente pallabres masculines y neutres terminaes en consonante. Trátase d'un amiestu de la segunda y cuarta declinaciones en llatín.
• La tercer declinación apaez mayormente en pallabres femenines terminaes nuna consonante nidia.
• La cuarta declinación ta formada por pallabres terminaes en -ej, y coincide cola quinta declinación llatina.

Los axetivos concuerden siempres en xéneru, númberu y casu col sustantivu al qu'acompañen. Pueden asitiase tanto delantre como detrás d'él.

Pronomes

A diferencia de los sustantivos, los axetivos y otros pronomes, los pronomes personales nun usen el casu direutu, sinón que caltienen la distinción ente'l nominativu y l'acusativu. Tán representaos na siguiente tabla:

Verbos

Los verbos amuesen desinencies de persona, númberu, manera y tiempu. Les formes de presente son:

1 sg. – jemu "amu"

2 sg. – jemasz "ames"

3 sg. – jema "ama"

1 pl. – jemamy "amamos"

2 pl. – jemacie "amáis"

3 pl. – jemą "amen"

Los verbos en venédico tienen los siguientes maneres y tiempos verbales:

infinitivu – jemar "amar"

presente simple – jemu "amu"

pretéritu imperfectu – jemawa "amaba"

pretéritu perfectu – jemie "amé"

futuru simple – joru jemar "voi amar"

futuru perfectu – jemaru "amaría"

condicional – jemarsi "amaría, amaría"

imperativu – jem "¡ama!"

xerundiu – jemęć "amando"

participiu – jematy "amáu"