13-01-2020 16:41
Wenceslao López Martínez
conceyal del Conceyu d'Uviéu

15 xunu 2015 -
alcalde d'Uviéu

13 xunu 2015 - 15 xunu 2019
← Agustín Iglesias Caunedo - Alfredo Canteli →
Vida
Nacimientu Uviéu, 29 d'ochobre de 1947 (76 años)
Nacionalidá España
Estudios
Estudios Universidá d'Uviéu
Universidá de Santiago de Compostela
Llingües falaes castellanu
Oficiu políticu
Creencies
Partíu políticu Partíu Socialista Obreru Español
Cambiar los datos en Wikidata

Francisco Wenceslao López Martínez (29 d'ochobre de 1947, Uviéu), más conocíu como Wenceslao López, ye un políticu asturianu, alcalde d'Uviéu del 13 de xunu de 2015 al 15 de xunu de 2019. Pertenez al PSOE.

Biografía

Criáu na colonia de Guillén Lafuerza, llogró'l títulu de profesor mercantil en 1970, na Universidá d'Uviéu, y la llicenciatura d'Económiques en 1973 na Universidá de Santiago de Compostela. Finalmente, estudió los cursos de doctoráu n'Intelixencia Artificial pola Universidá d'Uviéu. Ye profesor xubiláu de la mesma universidá, na qu'impartió clases n'Empresariales, Económiques y na Escuela d'Inxeniería Informática d'Uviéu mientres más de 35 años. Desendolcó tamién la so carrera profesional en paralelu na empresa privada como contable y como arquiteutu de sistemes.[1]

Vida política

Con 32 años encabezó la llista del PSOE n'Uviéu pa les eleiciones de 1979 pero foi derrotáu pol ex-presidente del Centru Asturianu Luis Riera Posada (UCD). Nos cuatro años de la llexislatura foi conceyal y voceru del PSOE na corporación municipal. Otros cargos qu'algamó son el de miembru de la Comisión de Control d'UXT y miembru del Patronatu de la Fundación Asturies, dende la so creación.[2] Nel añu 1983 l'asamblea llocal del partíu descartó la so candidatura en favor d'Antonio Masip, que algamaría l'alcaldía.

Dientro'l partíu socialista desenvolvió los siguientes cargos: responsable de Política Municipal de la AMSO en 1978, secretariu d'Estudios y Programes de la FSA en 1982, secretariu de Política Municipal de la FSA nel periodu 1984-1987, secretariu xeneral de la AMSO ente 1991 y 1992, y de nuevu dende 2012.[3]

En febreru de 2015 ganó les eleiciones primaries de la llista de la candidatura presentada pol PSOE a l'alcaldía d'Uviéu.[4] Nes eleiciones municipales de 2015 llogró 5 escaños de los 27 que componen el conceyu, col sofitu de 19.385 votos.[5] Magar ser la tercer fuerza más votada neses eleiciones llogró ser nomáu alcalde col sofitu de Somos Uviéu y Izquierda Xunida tres un alcuerdu d'última hora.[6]

Como alcalde d'Uviéu, ostenta una vicepresidencia del Patronatu Princesa d'Asturies.[7]

Ver tamién

Referencies

  1. ↑ «Página oficial del Ayuntamiento de Oviedo». Archiváu dende l'orixinal, el 12 de xunetu de 2015. Consultáu'l 10 de xunetu de 2015.
  2. ↑ «Blog de la Fundación Asturias». Archiváu dende l'orixinal, el 11 de xunetu de 2015. Consultáu'l 10 de xunetu de 2015.
  3. ↑ «Agrupación Municipal Socialista de Oviedo (AMSO)». Web oficial del PSOE. Consultáu'l 10 de xunetu de 2015.
  4. ↑ «El PSOE presenta su candidatura a las municipales de Oviedo». Asturias Hoy (27 de febreru de 2015). Archiváu dende l'orixinal, el 5 d'ochobre de 2018. Consultáu'l 29 d'agostu de 2015.
  5. ↑ «Elecciones municipales 2015: Oviedo». El País. Consultáu'l 29 d'agostu de 2015.
  6. ↑ «Wenceslao López (PSOE), alcalde de Oviedo con el apoyo de Somos e IU». Europa Press (13 de xunu de 2015). Consultáu'l 29 d'agostu de 2015.
  7. ↑ «Patronato Princesa de Asturias». Consultáu'l 10 de xunetu de 2015.

Enllaces esternos


Predecesor:
Agustín Iglesias Caunedo
Alcalde d'Uviéu
2015 - 2019		 Socesor:
Alfredo Canteli
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.