Un vuelu ye l'acción de volar, esto ye, caltenese suspendíu nel aire. Sicasí, esti conceutu nun s'aplica namái a les aves, aviones y helicópteros. En astronáutica, el términu vuelu tamién se refier a los viaxes que realicen los vehículos espaciales fora de l'atmósfera terrestre.
La tripulación d'un vuelu espacial suel tar constituyida pol comandante de la nave, el pilotu y los especialistes de la misión, anque se-yos van poder añader especialistes de la carga útil. Toos ellos, salvo estos postreros, tendrán de ser astronautes.
Durante'l vuelu, los astronautes pilotos lleven a cabu funciones de comandante d'a bordu y de pilotu de la nave, ente que los especialistes de la misión son responsables de la coordinación de les operaciones na nave, no que se refier a esperimentos y les cargues útiles pa un determináu vuelu.
Alredor d'once selmanes enantes de la fecha prevista pal entamu del vuelu, la tripulación empieza una serie de simulaciones específiques pa esi vuelu. El simulador de vuelu alcuéntrase coneutáu col centru de control de la misión, según a una rede d'estaciones de siguimientu.
Los astronautes tienen d'aprender a trabayar en condiciones de microgravedá, y pallo utilicen una serie d'aviones modificaos especialmente pal entrenamientu de los vuelos.
Ver tamién
- Vuelu espacial tripuláu
- Vuelu espacial priváu
Referencies
Enllaces esternos
Wikimedia Commons tien conteníu multimedia tocante a Vuelu espacial.
| Control d'autoridaes |
|---|
Datos: Q5916- Multimedia: Spaceflight