| Voltiu | |
|---|---|
| unidá del SI con un nome especial, unidá coherente del SI y unidá derivada en UCUM | |
 |
El voltiu o volt ye la unidá derivada del SI pal potencial llétricu, fuercia electromotriz y el voltaxe. Recibe'l so nome n'honor d'Alessandro Volta, quien en 1800 inventó la pila voltaica, la primer batería química. Ye representáu simbólicamente por V.
El voltiu defínese como la diferencia de potencial a lo llargo d'un conductor cuando una corriente con una intensidá de corriente llétrica d'un amperiu utiliza un vatiu de potencia llétrica.
El voltiu tamién pue ser definíu como la diferencia de potencial esistente ente dos puntos tales qu'hai que realizar un trabayu de 1 xuliu pa treslladar del ún al otru la carga de 1 culombiu:
1 V = 1 W·A-1 = 1 J·C-1 = 1 m²·kg·s-3·A-1.
L'instrumentu usáu pa midir el voltaxe ye'l voltímetru.
Ver tamién
- Llei d'Ohm
- Diferencia de potencial
- Ohmiu
- Amperiu
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.