Los viroides son axentes infecciosos que, al igual que los virus, tienen un ciclu estracelular que se carauteriza pola inactividá metabólica y un ciclu intracelular nel que causen infeición al organismu susceptible de dar agospiu, pero qu'a diferencia de los virus, los viroides nun poseen proteínes nin llípidos y tan constituyíos por una cadena cíclica curtia d'ARN, (que nun codifica proteínes). Ye importante dicir que tanto la so forma intracelular como estracelular son les mesmes (ARN desnudu), los mecanismos polos qu'éstos algamen a causar infeición tan rellacionaos cola autocatálisis del so material xenéticu. En sí constitúien una etapa primitiva de los virus.