Vicente López Carril
Vida
Nacimientu Donas, 2 d'avientu de 1942
Nacionalidá España
Muerte Xixón, 29 de marzu de 1980 (37 años)
Causa de la muerte infartu de miocardiu
Estudios
Llingües falaes castellanu
Oficiu
Oficiu ciclista
Trayeutoria
Años Equipu Competiciones
1967-1978 Kas
Cambiar los datos en Wikidata

Vicente López Carril (2 d'avientu de 1942, Donas – 29 de marzu de 1980, Xixón) foi un ciclista profesional na década de los años 1970 al que los sos compañeros conocíen col nomatu d'El Candasu.

Práuticamente tola so carrera profesional la fizo col equipu vitorianu Kas. Foi un gregariu esceicional, n'especial pa José Manuel Fuente, El Tarangu, nes grandes vueltes per etapes, Tour de Francia, Giro d'Italia y Vuelta a España; pero ello nun foi pilancu pa que destacara con lluz propia nes grandes competiciones nacionales y internacionales. Ente los sos numberosos trunfos destaquen los absolutos na Vuelta a Asturies, Valles Mineros, Vuelta a Valencia y Vuelta a Mallorca, asina como’l Campeonatu d'España del añu 1974 que tuvo llugar en Mieres.

El finxu más altu del so palmarés foi'l tercer puestu algamáu na clasificación xeneral del Tour de Francia del añu 1974, que ganó'l belxicanu Eddy Merckx.

Acabó la so carrera profesional nel equipu cántabru Teka.

El so fallecimientu tuvo llugar na Sablera de San Llorenzu de Xixón mientres xugaba un partíu de fútbol con unos amigos como consecuencia de un derrame cerebral.

Tuvo un hermanu, Jesús, que tamién foi ciclista profesional nel equipu Teka.

Palmarés

  • Vuelta a los Valles mineros (1971)
  • Etapa del Giro d'Italia (1971)
  • 4ᵘ nel Giro d'Italia (1972)
  • Vuelta a los Valles mineros (1973)
  • 9ª etapa del Tour de Francia (1973)
  • 1ᵘ nel Campeonatu de España (1974)
  • 3ᵘ nel Tour de Francia (1974)
  • 11ª etapa del Tour de Francia 1974
  • 17ª etapa del Tour de Francia (1975)
  • 5ᵘ nel Tour de Francia (1975)
  • Vuelta a Valencia (1975)
  • Etapa de la Vuelta a España (1976)
  • Vuelta a Asturias (1977)

Referencies

    Enllaces esternos

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.