Ursus arctos
Estáu de caltenimientu
Esmolición menor (LC)
Esmolición menor (IUCN 3.1)[1]
Clasificación científica
Reinu: Animalia
Filu: Chordata
Clas: Mammalia
Orde: Carnivora
Suborde: Caniformia
Familia: Ursidae
Subfamilia: Ursinae
Xéneru: Ursus
Especie: Ursus arctos
Linnaeus, 1758
Distribución

Subespecies
Ver el testu
Consultes
[editar datos en Wikidata]

L'Ursus arctos ye una especie d'osu que pue algamar un pesu de 130-700 kg. L'Osu Grizzly, el Kodiak y el Osu pardu mexicanu son subespecies del osu pardu de Norteamérica. Muy áxiles, pueden algamar los 56 km/h. N'otres dómines, yera nativu d'Asia, África, Europa y Norteamérica, pero anguaño tan estinguíos en muches zones y en peligru en munches otres. Prefier les zones montañoses. Hai unos 200.000 individuos nel mundu. La mayor parte en Rusia (120.000), Estaos Xuníos (32.500) y Canadá con 21.750. Entá queden pequeñes poblaciones n'Europa, dende España a Rusia. Hai 14.000 en 10 zones separtaes nel continente. Ye un animal nocherniegu, y en branu algama los 180 kgs, hibernando nos meses más fríos. Son vexetarianos en un 75% de la dieta, anque tamién comen la miel de los caxellos asina como carroña. Cacen pequeños vertebraos y inseutos y, nel momentu del remonte de los ríos por parte de los salmones, avecen a pescalos dende les orielles. Les femes paren esbardos que pesen unos 500 gramos nel momentu de nacer. Les subespecies son les que siguen darréu:

  • Ursus arctos arctos -- Osu Pardu
  • Ursus arctos horribilis -- Grizzly
  • Ursus arctos middendorffi -- Kodiak
  • Ursus arctos nelsoni -- Grizzly mexicanu, estinguíu.
  • Ursus arctos californicus -- Golden Bear, extinctu en 1922, anque apaez na bandera de California.
  • Ursus arctos stickeenensis

Na Cordillera cantábrica sobreviven unos 80 individuos, una docena nos Picos d'Europa y más de 50 nel occidente d'Asturies y Llión. Nos Pirineos tan al cantu del desaniciu.

Referencies

  1. ↑ McLellan, B.N., Servheen, C. & Huber, D. (IUCN SSC Bear Specialist Group) (2008). «Ursus arctos» (inglés). Llista Roxa d'especies amenazaes de la UICN 2010.1. Consultáu'l 122 d'abril de 2010.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.