Unión Xeneral de Trabayadores
Unión General de Trabajadores (es)
sindicatu
Llocalización
Sede Convento de las Recogidas de Santa María Magdalena (es) Traducir
Direición España
Historia
Fundación12 agostu 1888
Forma parte de
Web oficial
Cambiar los datos en Wikidata

La Unión Xeneral de Trabayadores (UXT)[1] ye una organización sindical obrera española. Fundada en 1888, comparte orixe históricu col Partíu Socialista Obreru Español (PSOE) evolucionando dende'l clásicu marxismu facia una orientación socialdemócrata.

Historia

La UXT foi fundada por un grupu de trenta y dos delegaos, representantes de cuarenta y cuatro sociedaes d'oficios, el 12 d'agostu de 1888 en Barcelona, mientres un congresu obreru que tuvo llugar nel Teatru de Xovellanos, coincidiendo cola celebración de la Esposición Universal de Barcelona de 1888.

Pablo Iglesias, llíder y fundador d'UXT y del PSOE.

Nos trabayos rellacionaos con dicha Esposición emplegárase a miles de persones en xeres de construcción, que realizaben el so trabayu en dures condiciones, lo que xenerara cierta conciencia de la necesidá d'organizase pa defender los sos intereses. Na segunda sesión, Pablo Iglesias Posse, un tipógrafu d'orixe gallegu, propunxo que la organización nacional de sociedaes obreres que pretendíen crear denominárase Unión Xeneral de Trabayadores.[2]

La UXT ñació n'íntima rellación col socialismu marxista.

Hasta'l so XIX Congresu de 1920 nun asumió la llucha de clases como principiu básicu de l'aición uxetista. Anque nunca llegó a establecer un muérganu mestu de conexón institucional col Partíu Socialista Obreru Español (PSOE), el sindicatu sí tuvo rellacionáu col partíu dende la so ñacencia, yá qu'hasta la década de los '80 la sindicación a UXT suponía l'afiliación al PSOE y viceversa.

Nel periodu de la I Guerra Mundial produciéronse táctiques d'acercamientu y unidá d'aición colos anarcosindicalistes de la Confederación Nacional del Trabayu (CNT). Atayáronse sópito al advenimiento de la dictadura de Miguel Primo de Rivera, na que la UXT collaboró col réxime mientres que la CNT yera prohibida y escorrida.

Mientres la dómina de la II República, la UXT degoló'l millón d'afiliaos y, con Largo Caballero, sofitó la revolución de 1934.

Concentración convocada pola Federación de Servicios Públicos d'UXT en 1982 pa reclamar la Llei de Llibertá Sindical.

Mientres la Guerra Civil, el periódicu Las Noticias, fundáu por Rafael Roldós, exerció de voceru de la UXT. Tres l'exiliu forzáu pola represión franquista, les actividaes de la central pasaron de la clandestinidá mientres la dictadura al so resurdimientu nel marcu de la transición democrática, xunto con Comisiones Obreres (CCOO), constituyéndose como les opciones con mayor afiliación na España democrática. Dende la Transición hasta 1994 el so secretariu xeneral foi l'históricu sindicalista Nicolás Redondo; sustituyólu Cándido Méndez, reelixíu en 1995, 1998, 2002, 2005 y 2009.

Convocó xunto con CC.OO. les fuelgues xenerales de 1988, 1992, 1994, 2002, 2010 y 2012. Algamó tamién la segunda posición como central sindical en númberu de delegaos.

Nel añu 1994 tuvo qu'hipotecar tol so patrimoniu nun creitu del ICO por causa d'una delda xenerada pola asunción de la totalidá de deber pola so cooperativa de viviendes PSV tres la so quiebra, qu'afectó a cuasi 20.000 cooperativistes. Darréu, Carlos Sotos ex-xerente de PSV foi condergáu a dos años y cuatro meses de prisión por un delitu d'apropiación indebida ensin arriquecimientu personal y a indemnizar a los cuasi 20.000 afectaos. UXT fuera declarada responsable civil subsidiario, tuvo que facer frente a les indemnizaciones.[3]

Llíderes históricos

Secretariu xeneral Mandatu
Antonio García Quejido 1899-1905
Vicente Barrio 1905-1918
Francisco Largo Caballero 1918-1938
José Rodríguez Vega 1938-1944
Pascual Tomás 1944-1968
Manuel Muiño Arroyo 1968-1971
Direición colexada 1971-1976
Nicolás Redondo 1976-1994
Cándido Méndez 1994-2016
Pepe Álvarez 2016-Anguaño
Presidente Mandatu
Antonio García Quejido 1888-1892
Josep Comaposada 1892-1894
Basilio Martín Rodríguez 1894-1896
Luis Zurdo 1896-1899
Pablo Iglesias 1899-1925
Julián Besteiro 1925-1934
Anastasio de Gracia 1934-1938
Ramón González Peña 1938-1944
Trifón Gómez 1944-1956
Rodolfo Llopis 1956-1971
Vicepresidente Mandatu
Salvador Ferrer 1888-1890
Basilio Martín Rodríguez 1890-1894
Francisco Boltá 1894-1896
José Batllori 1896-1899
Vicente Barrio 1899-1902
Cipriano Rubio 1902-1908
Francisco Largo Caballero 1908-1918
Julián Besteiro 1918-1928
Andrés Saborit 1928-1934
Vacante 1934-1938
Edmundo Domínguez Aragonés 1938-1944
Enrique de Francisco 1944-1947
Vacante 1947-1949
Indalecio Prieto 1949-1950
Vacante 1950-1951
Rodolfo Llopis 1951-1956
Paulino Gómez Beltrán 1956-1965
Miguel Armentia Juvete 1965-1969
Virgilio Pierna Santos 1969-1971

Orientación y organización

La Comisión Executiva Confederal ye la direición del sindicatu. Tres l'últimu congresu confederal, en 2016, la composición de la CEC ye la que vien darréu:

  • Secretariu Xeneral: Pepe Álvarez.
  • Vicesecretaria Xeneral: Cristina Antoñanzas Peñalva
  • Secretariu d'Organización: Rafael Espartero García
  • Secretaria de Polítiques Sociales, Emplegu y Seguridá Social: María del Carmen Barrera Chamorro.
  • Secretariu de Política Sindical: Gonzalo Pino Bustos.
  • Secretaria de Salú Llaboral y Medio Ambiente: Ana García de la Torre.
  • Ayalgueru: Salvador Duarte Soto.
  • Secretariu d'Internacional: Jesús Gallego García.
  • Secretariu de Formación: Sebastián Pacheco Cortés.
  • Secretaria Confederal: Amparo Burgueño Luengo.
  • Secretariu Confederal: Diego Martínez Isern.
  • Secretaria Confederal: Adela Carrió Ibáñez.
  • Secretaria Confederal: Isabel Araque Lucena.

Referencies

  1. ↑ Academia de la Llingua Asturiana (2007). Cartafueyos Normativos. Abreviatures, rotulaciones y propuestes d’espresión y llocución. ISBN 978-84-8168-421-6.
  2. ↑ Unión Xeneral de Trabayadores (1888-2005) Un curtiu resume de la nuesa historia UXT.es
  3. ↑ UXT va tener qu'indemnizar a 20.000 afectaos de la PSV.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.