| Unión Fenosa | |
|---|---|
| negociu | |
| Llocalización | |
| Sede | Madrid |
| Direición | España |
| Historia | |
| Fundación | 1982 |
| Disolución | 2009 |
| Sector | |
| Industria | compañía enerxética |
| Web oficial | |
 | |
Unión Fenosa foi un grupu empresarial español, presente en numberosos sectores económicos y mercaos.
El so negociu orixinal yera'l de la producción y distribucción d'enerxía llétrica, poro la so actividá amplióse darréu tamién escontra otres árees rellacionaes cola enerxía, como'l gas, y escontra otros sectores como servicios profesionales y telecomunicaciones.
Unión Fenosa foi adquirida por Gas Natural, nun procesu empecipiáu en xunetu de 2008 (cuando Gas Natural llegó a un alcuerdu con ACS pa la compra de la so participación del 45,3% n'Unión Fenosa) y rematáu en setiembre de 2009 (momentu nel que les aiciones de la nueva compañía son almitíes a cotización).
Historia
Nació'l 23 de payares de 1982 col nome d'Unión Llétrica Fenosa tres la fusión ente Unión Llétrica, creada nel 1912 como Unión Llétrica Madrileña y Fuerzas Llétricas del Noroeste S.A. (FENOSA), empresa creada en 1943 por Pedro Barrié de Mazar, Conde de Fenosa. Los sos anicios, poro, tán tanto en Madrid como en Galicia
Nel 1984 baxu la direición de Victoriano Reinoso (en calidá de Direutor Comecial) preséntase un proyeutu de xestión al conseyu d'alministración, coles mires de xenerar una nueva dinámica comercial que proyeutaría a Victoriano Reinu a la presidencia d'Unión Fenosa. Pa llevar el so proyeutu al conseyu recurrió a la collaboración de J. Javier A. Colmenares (creativu y estratega de la publicitariu) pa diseñar y producir el documentu de presentación qu'habría de llevase al Conseyu d'Alministración nun tiempu non superior a diez díes, procesu que, magar les grandes dificultaes por escased de tiempu y recursos y teunolóxicos de la dómina, foi realizáu dientro 10 díes naturales, xenerando un marcu d'enfotu, mútua amistá y una estrecha y continua collaboración.
El resultáu positivu vinu cola aceptación del Conseyu d'Alministración al proyeutu presentáu: SGC Sistema de Xestión Comercial pa crear nueva redolada corporativo que dexó proyeutar a Unión Fenosa como empresa comprometida cola anovación teunolóxica en tola estructura de la empresa desenvolviendo nueves plataformes de xestión que sirvieron de referencia al mercáu nacional y dexaron la esportación de los nuevos modelos de xestión y de la teunoloxía de sistemes aplicada a la xestión de la empresa en toles sos árees.
La participación de J. Javier Colmenares dexó a Unión Fenosa enfusase en nuevos llinguaxes de comunicación interna y esterna facilitando a Victoriano Reinoso diseñar un fuerte compromisu espresáu nun decálogu qu'apurriera garantíes a los veceros abandonando'l vieyu calificativu d'abonaos, qu'entá per munchos años permaneció n'otres emnpresas del sector o de servicios semeyantes. La grana de Victoriano Reinoso que semó añu tres d'añu nes Convenciones Comerciales d'Unión Fenosa dexaron ver y crear un futuru posible incluyendo a los más críticos de la fusión de les dos empreses matrices Unión Llétrica y FENOSA.
Nel 1986 el Grupu empecipia la so espansión internacional con un contratu de consultoría pa la empresa Usinas y Tresmisiones Llétriques d'Uruguái (UTE), y nel 1988 entra en funcionamientu la central nuclear de Trío, participada por esta empresa, promotora del proyeutu.
Nel 1992 prodúxose la primer inversión direuta nel esterior y nel añu 1994 créase Unión Fenosa Enerxíes Especiales pa dar impulsu a les enerxíes anovables.
Nel 1995, tres l'ésitu de les esposiciones biañales creaes en 1989 y denominaes Mostra Unión Fenosa, créase'l Muséu d'Arte Contemporáneo Unión Fenosa, en La Coruña.
Fenosa participara dende la lliberación de les telecomunicaciones nesti sector, y nel 1998 adquier una participación de la empresa de telefonía móvil Airtel, trespasando la inversión al añu viniente al grupu Aúna (Retevisión y Amena).
Yá nel añu 2000 firma un contratu con una empresa petrolera exicia que dexa a Unión Fenosa disponer de gas propio n'aniciu y asina tener una posición de ventaya nel sector. Amás, créase Soluziona como integradora de les empreses de servicios profesionales del Grupu.
La Central de Hermosillo, en Méxicu entra en funcionamientu en 2001 y constitúi el primer ciclu combináu de gas construyíu y operáu pola empresa. En 2002 esanicia del so nome la pallabra Llétrica pa reflexar la entrada n'otros negocios (gas, telecomunicaciones, etc.)
Nel 2003 entra como sociu estratéxicu nel accionariado d'Unión Fenosa Gas, la empresa italiana ENI, que col 50% de los títulos, refuerza l'allugamientu del Grupu nos mercaos gasistes internacionales.
Fasta la so fusión con Gas Natural, el Grupu Unión Fenosa tenía presencia en 15 países.
Operación d'alquisición por Gas Natural
En xunetu de 2008, la participación n'Unión Fenosa que tien el so primer accionista, el grupu ACS, recibe una ufierta de compra de Gas Natural, que ye aceptada.
N'abril, la Ufierta Pública d'Alquisición d'Aiciones (OPA) formulada por Gas Natural sobro'l capital social d'Unión Fenosa foi aceptada por 317.655.538 aiciones, representatives del 34,75% del capital social de la llétrica y del 69,54% de los derechos de votu a los que la ufierta dirixíase de forma efectiva.
Tres la lliquidación de la OPA, que'l so periodu d'aceptación concluyó'l día 14 d'abril, Gas Natural pasó a ser titular d'un 84,77% del capital social d'Unión Fenosa, y, una vegada liquidaos los preseos financieros suscritos con estremaes entidaes bancaries y un contratu de compraventa d'aiciones, la participación asciendió al 95,22% del capital social de la llétrica.
A finales d'abril, los conseyos d'alministración de les dos compañíes aprobaron el proyeutu de fusión por absorción d'Unión Fenosa y d'Unión Fenosa Xeneración. L'ecuación de truecu propuesta foi de trés aiciones de Gas Natural por cada cinco aiciones d'Unión Fenosa.
El 4 de setiembre de 2009 Unión Fenosa dexó de cotizar nel Mercáu Continuu, integrándose por completu a Gas Natural.
Referencies
Enllaces esternos
| Control d'autoridaes |
|---|
Datos: Q2095439
Multimedia: Unión Fenosa