Ubuntu

Desendolcador(es)	Canonical
Versión inicial	20 ochobre 2004
Última versión	23.10.1 (versión estable (es) , short-term support release (en) , 16 ochobre 2023) 22.04.4 LTS (versión con servicio técnico de largo plazo (es) , 22 febreru 2024)
Escritu en	C++, Llinguaxe de programación C, Shell de UNIX (es) y Python
Plataforma	x86_64, x86 (es) , ARM, ppc64 (en) , IBM S/390 y RISC-V (es)
Tamañu	2,7
Llingua orixinal	distintes llingües
Tipu	distribución Linux (es) , sistemas operativos libres (es) , bienes comunes digitales (es) , distribución de sistema operativu, sistema operativu asemeyáu a Unix y marca rexistrada
Clasificación n'Alexa	1874
Orixe del nome	ubuntu
Distribución	baxada dixital
N'asturianu	Sí
Más información
Twitter	ubuntu
Facebook	ubuntulinux
Sitiu web	Web oficial
Blog	Blog oficial
Códigu fonte	Códigu fonte
Etiqueta de Stack Exchange	Stack Exchange
GitHub	ubuntu

Ubuntu ye una distribución de GNU/Linux pal escritoriu, basada en Debian y patrocinada por Canonical Ltda, empresa de la que ye dueñu'l sudafricanu Mark Shuttleworth.

Ubuntu ye tamién el primer Sistema Operativu en llingua asturiana

El nome de la distribución remanez del conceutu zulú y xhosa d'ubuntu, que significa "humanidá haza otros" o "yo soi porque nosotros somos". Ubuntu ye un movimientu sudafricanu encabezáu pol obispu Desmond Tutu, quien ganó'l Premiu Nobel de la Paz en 1984 poles sos lluches escontra del Apartheid en Sudáfrica.

El sudafricanu Mark Shuttleworth, mecenes del proyeuto, alcontrábase enforma familiarizáu cola corriente. Tres ver asemeyances ente los ideales de los proyeutos GNU, Debian y en xeneral col movimientu del software llibre, decidió aprovechar l'ocasión pa difundir los ideales d'Ubuntu. L'eslogan d'Ubuntu – “Linux pa seres humanos” (n'inglés "Linux for Human Beings") – resume una de les sos metes principales: facer de Linux un sistema operativu más accesible y cenciellu d'usar. La interfaz gráfica oficial qu'ufre Ubuntu, ye l'escritoriu GNOME, magar qu'hai total llibertá y puen usase otros escritorios como KDE, o Xfce

Ubuntu distribúise dafechamente de baldre dende la so páxina web, y tamién puede obtenese ensin costu dalgún solicitando el CD orixinal nel so sitiu web oficial, a traviés d'un serviciu denomáu ShipIt^[1]

Esti sistema operativu tien soporte pa delles llingües, y ta disponible en llingua asturiana.

Llanzamientos

Asoleyen una versión nueva d'Ubuntu cada seis meses. El númberu de versión faese cola fecha. La primera cifra ye l'añu y la segunda'l mes. Por exemplu, la versión 5.04 salió n'abril (4ᵁ mes) del añu 2005.

Esta distribución foi y ta siendo tornada a numberoses llingües, ente elles l'asturianu^[2], por usuarios que voluntariamente collaboren nel proyeutu, a traviés d'Internet.

Suite de programes

Centru de Software d'Ubuntu

Gráficu de crecimientu del repositoriu d'Ubuntu, pola cantidá de paquetes disponibles

Ubuntu, ufre una suite oficial de programes nel so paquete básicu, nel que podemos atopar:

• Firefox, restolador web disponible n'asturianu
• Evolution, cliente de corréu disponible n'asturianu
• LibreOffice, suite ofimática con:
  • procesador de testos, disponible n'asturianu
  • fueya de cálculu, disponible n'asturianu
  • presentaciones, disponible n'asturianu
  • base de datos disponible n'asturianu
  • editor de fórmules matemátiques disponible n'asturianu
  • editor de gráficos de vectores disponible n'asturianu
• Gimp, editor de dibuxos disponible n'asturianu
• Pidgin, cliente de mensaxería nel intre multiprotocolu disponible n'asturianu
• Totem, reproductor de videu. disponible n'asturianu
• gedit, editor de testos disponible n'asturianu
• Evince, visor de documentos disponible n'asturianu
• Nautilus, alministrador d'archivos disponible n'asturianu
• Eye of GNOME visor d'imáxenes disponible n'asturianu
• Rhythmbox, reproductor d'audio. disponible n'asturianu
• Synaptic, xestor de paquetes disponible n'asturianu
• Brasero, grabador de CD's disponible n'asturianu
• Xsane, xestor d'escáner. disponible n'asturianu
• Vinagre (software), accesu remotu a escritoriu disponible n'asturianu
• File-roller, compresor de ficheros disponible n'asturianu
• Gparted, editor de particiones disponible n'asturianu
• Transmission, veceru Torrent. disponible n'asturianu
• F-Spot, visor y organizador de semeyes disponible n'asturianu
• Sound Juicer, estractor de pistes d'audio disponible n'asturianu
• Baobab, analizador d'usu de discu. disponible n'asturianu
• ...y toles aplicaciones de configuración d'escritoriu, xestión d'enerxía, rede, sesiones, xestor d'imprentadores, bluetooth, controladores de hardware, aspeutu, atayos del tecláu, sistema, etc. disponible n'asturianu

Derivaos d'Ubuntu

• Kubuntu
• Xubuntu
• Edubuntu
• Ubuntu Studio
• Goobuntu
• Medibuntu
• Ubuntu Lite
• nUbuntu

Tabla de llanzamientos

Distribuciones GNU/Linux basaes n'Ubuntu

• Admelix
• Agnula
• EHUX
• Guadalinex
• Impi
• Mepis (Dende abril del 2006)
• Molinux
• Ufficio

Enllaces esternos

• Wikimedia Commons tien conteníu multimedia tocante a Ubuntu.

Referencies