Turón
Alministración
País España
Autonomía Principáu d'Asturies
Provincia provincia d'Asturies
Conceyu Mieres
Partíu xudicial Mieres
Tipu d'entidá parroquia d'Asturies
Xeografía
Coordenaes 43°12′33″N 5°45′26″W / 43.20927°N 5.75711°O / 43.20927; -5.75711
Turón alcuéntrase n'Asturies
Turón
Turón
Turón (Asturies)
Superficie 25.3 km²
Altitú 264 m[1]
Llenda con Figareo, Urbiés, Mieres Extrarradio, Santa Rosa, Caborana, Morea, Piñeres y Ciañu
Demografía
Población 3670 hab. (2017)
Porcentaxe 10.14% de Mieres
0.36% de provincia d'Asturies
0.36% de Principáu d'Asturies
0.01% de España
Densidá 145,06 hab/km²
Viviendes 2571 (2001)
Más información
Estaya horaria UTC+01:00
Cambiar los datos en Wikidata

Turón[2] ye una parroquia del conceyu asturianu de Mieres atopase na fastera suroriental del conceyu, y limita al norte cola parroquia de Santa Rosa y el conceyu de Llangréu; al sur col conceyu d'Ayer; al este cola parroquia d'Urbiés; al noroeste cola de Mieres Extrarradio; y al oeste coles de Santuyano y Figareo. Compriende 25,30 km²[3] d'estensión nel cursu mediu del ríu Turón, que la traviesa d'oeste a este, y tien una población de 3670 hab. (2017)[4]. Estos s'arreparten ente los siguientes nucleos de población: Ablaneo, Argaxo, Armieḷḷo, Arnizo, L'Artusu, Bárcena, La Braña, La Cava, La Cabana, La Cabritera, La Caleyina, Quempulatabla, Canabatán, Candanal, La Cantera Repedroso, El Cantiquín, Carcarosa, La Casiḷḷina, Castañir, Castriḷḷón, La Ceposa, Los Corrales, Cotarente, La Crucina, La Cuadriella, La Cuesta Viḷḷazabal, La Cuesta'l Llegu, El Cuitu, Enverniego, Escobal, La Faya, La Felguera, El Foḷḷeron, Fortuna, Fresneo, La Fuente, La Fontona, Fuexo, El Gabitu, La Granxa, El Llegu, Ḷḷinares, La Ḷḷama, La Yana Palacio, La Yanaceo, La Ḷḷera, Misiego, L'Ordaliigu, Pandel, El Pandiiḷḷu, Pervaca, Piedrafita, La Pila, Presimir, El Prubiz, La Pruvía, Sobrepuenes, La Puente Viḷḷaño, La Rasa, La Rebaldana, La Reguera Fuexo, El Reguerón, Repedroso, El Riquixu, Rozadieḷḷa, Santandrés, Samenino, La Ribaya, Los Barracones, San Xusto, San Pedro, Santu Tomás, Sesnendi, Tablao, La Teyera, El Trichuru, Los Vaḷḷes, La Veguina, La Vera'l Camín, Les Viesques, Viḷḷazabal, Villafría, Viḷḷaño, Viḷḷapindi, Vistalegre, La Verruga, El Coḷḷaón, La Yana'l Monte, El Pindal y El Siirru.

Historia

Neolíticu

El valle de Turón colonizóse n'algún momentu del neolíticu, muestres d'ello son los túmulos atopaos na zona del cordal de Polio. Destruyéronse cola actividá minera, tamién algún castru. Ye probable que se conserven restos de castros nel valle pero ye discutible.

Cultura Castreña

La incorporación verdadera de Turón a la historia tien lugar cola cultura castreña que desarrollose dende mediaos del primer mileniu enantes de Cristu. Consérvense en Turón unos cuantos yacimientos, la mayoría na zona alta del valle, ente Villandio, Armiello y Urbiés. Nun s'escavó ningunu pero dizse que nel Castru la Xamonda s'atopó una urna de piedra con cenices y un ídolu antropomórficu que se vinculaba con una coleición de los Padres Pasionistas de Mieres. Nun se sabe nada de la romanización de Turón y los habitantes de los castros pero debió ser intensa por tar Turón cerca d'Uxo al tar mui romanizáu. Nun hai constancia del periodu de decandencia romana y de la incorporación de la Edá Media nel valle tampoco. Les úniques pistes son toponímiques: los nomes de Villandio o Villapendi pueden vinir de villes romanes; otros nomes de llugares como Sesnendi puen vinir de nomes xermánicos que s'arremonten a l'Alta Edá Media.

Referencies

  1. ↑ Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
  2. ↑ «Espediente colos topónimos oficiales de Mieres». BOPA.
  3. ↑ (2000) Diccionario Geográfico de Asturias (en castellanu). Uviéu: Editorial Prensa Asturiana, S.A.
  4. ↑ padrón municipal d'España de 2017

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.