Tucana

El Tucán; Tucana
	; Carta celeste de la constelación del Tucán na qu'apaecen les sos principales estrelles.
Nomenclatura
Nome; n'asturianu	El Tucán
Nome; en llatín	Tucana
Xenitivu	Tucanae
Abreviatura	Tuc
Descripción
Introducida por	Pieter Dirkszoon Keyser ; y Frederick de Houtman
Superficie	294,6 graos cuadraos; 0,714 % (posición 48)
Ascensión; reuta	Ente 22 h 8,45 m; y 1 h 24,82 m
Declinación	Ente -75,35° y -56,31°
Visibilidá	Completa:; Ente 90° S y 14° N; Parcial:; Ente 14° N y 33° N
Númberu; d'estrelles	45 (mv < 6,5)
Estrella; más brillante	Alfa Tucanae (mv 2,85)
Oxetos; Messier	Nengunu
Oxetos NGC	63
Oxetos; Caldwell	2
Lluvies; de meteoros	Nenguna
Constelaciones; colindantes	5 constelaciones Grus; Hydrus; Indus; Octans; Phoenix;
Meyor mes pa ver la constelación; Hora llocal: 21:00
Mes	Payares
	[editar datos en Wikidata]

Tucana, el tucán, ye una constelación del hemisferiu sur celeste. Ye una de les 88 constelaciones aceptaes pola Unión Astronómica Internacional. Foi creada polos navegantes holandeses Pieter Dirkszoon Keyser y Frederick de Houtman ente 1595 y 1597, como resultáu de les sos esploraciones pelos mares del hemisferiu sur. Apaeció per primer vegada na obra Uranumetria (1603), de Johann Bayer. Representa al tucán, una especie d'ave tropical natural de Suramérica.

Aspeutos notables

Ente les estrelles de la constelación, cabo destacar a Beta Tucanae (β Tuc), un grupu de seis estrelles que paecen tar siquier sele venceyaes nun sistema estelar. Trés d'estes estrelles son abondo lluminoses pa recibir denominaciones de Bayer: β¹ Tucanae, β² Tucanae y β³ Tucanae. Tamién Kappa Tucanae (κ Tuc) ye una estrella múltiple, nesti casu constituyida por dos binaries: la mesma Kappa Tucanae y Gliese 55.1. A lo último, Zeta Tucanae (ζ Tuc), de magnitú 4,23, ye una nana mariella distante 28 años lluz más caliente y lluminosa que nuesu Sol.

Dientro de les llendes d'esta constelación atópase la Pequeña Nube de Magallanes, una de les galaxes satélite de la Vía Láctea. Coles mesmes, magar ye muncho más tenue, alluga tamién la Galaxa Nana de Tucana, afayada en 1990.

Mitoloxía

Tucana ye una constelación moderna, siendo inventada a finales del sieglu XVI. Por ello, nun tien nengún elementu mitolóxicu asociáu a ella.

Estrelles sobresalientes

Nome	Mag.	α (J2000.0)	δ (J2000.0)	Distancia años lluz	Comentarios
Alfa (α) Tucanae	2,87	22^h 18^m 30,1^s	−60° 15' 35"	199 ± 7	estrella binaria astrométrica
Gamma (γ) Tucanae	3,99	23^h 17^m 25,8^s	−58° 14' 09"	75 ± 1	estrella binaria amplia
Zeta (ζ) Tucanae	4,23	00^h 20^m 04,3^s	−64° 52' 29"	28 ± 0,2	nana mariella similar al Sol
Kappa (κ) Tucanae	4,25	01^h 15^m 46,1^s	−68° 52' 34"	66,6	estrella binaria doble; κ Tuc A (mag. 5,1) y κ Tuc B (mag. 7,3), κ Tuc C (mag. 7,8) y κ Tuc D (mag. 8,2)
Beta (β) Tucanae	4,36 (β¹)	00^h 31^m 32,7^s (β¹)	−62° 57' 29" (β¹)	140 (β¹)	sistema múltiple d'estrelles: β¹ Tuc (mag. 4,36), β² Tuc (mag. 4,53), β³ Tuc A (mag. 5,8), β³ Tuc B (mag. 6,0) son les más brilloses El sistema β³ Tuc ye binariu, daqué alloñáu de β¹ y β², pero aparentemente acomuñáu a elles
Épsilon (ε) Tucanae	4,49	23^h 59^m 55,0^s	−65° 34' 37"	374 ± 25	la so velocidá de rotación ye de 300 km/s
Nin (ν) Tucanae	4,91	22^h 33^m 00,1^s	−61° 58' 56"	273 ± 4	estrella variable; variación: 4,75–4,97 con un periodu irregular
Rho (ρ) Tucanae	5,39	00^h 42^m 28,3^s	−65° 28' 05"	133 ± 3	estrella blancu-mariella de la secuencia principal
HD 219482	5,64	23^h 16^m 57,5^s	−62° 00' 04"	67	nana blancu-mariella
HD 3823	5,88	00^h 40^m 25,7^s	−59° 27' 17"	81,4 ± 0,7	nana o subxigante mariella de baxa metalicidá
Theta (θ) Tucanae	6,11	00^h 33^m 23,3^s	−71° 15' 58"	490 ± 38	estrella variable tipu δ Scuti; variación: 6,06-6,15 en periodos de 1,18 h a 1,45 h
HD 219077	6,12	23^h 14^m 07,0^s	−62° 42' 00"	96 ± 2	nana mariella
HD 4308	6,55	00^h 44^m 39,3^s	−65° 38' 58"	72	estrella de baxa metalicidá con un planeta estrasolar
Gliese 902	7,08	23^h 39^m 37,4^s	−72° 43' 20"	37,1	nana naranxa
CF Tucanae	7,60	00^h 53^m 07,8^s	−74° 39' 06"	290	binaria con actividá cromosférica y variable RS Canum Venaticorum
HD 221287	7,82	23^h 31^m 20,3^s	−58° 12' 35"	173	estrella con un planeta estrasolar a 1,25 UA de la estrella
HD 215497	8,97	22^h 46^m 36,8^s	−56° 35' 58"	143	tien un sistema planetariu con dos planetes
Gliese 54	9,80	01^h 10^m 22,9^s	−67° 26' 42"	26,6	sistema binariu compuestu por dos nanes coloraes
GJ 1277	14,01	22^h 56^m 24,7^s	−60° 03' 49"	10,3	tenue nana colorada a pocu más de 10 años lluz

Mag. = Magnitú aparente | α = ascensión recta | δ = declinación
Fonte: The Bright Star Catalogue, 5ª ed. revisada., Catálogu Hipparcos, ESA SP-1200

Oxetos de cielu fondu

NGC 292 (Pequeña Nube de Magallanes).

Ente los oxetos más sobresalientes d'esta constelación destaca la Pequeña Nube de Magallanes, siguida bien de cerca por 47 Tucanae (NGC 104), el segundu cúmulu globular más brillosu de tol cielu nocherniegu. Ésti alcuéntrase a 13.400 años lluz de nós.

Ver tamién

Constelación
Llista de constelaciones Llista de constelaciones
Llista de constelaciones per área

Referencies

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.