Toreno
Alministración
País España
Autonomía Castiella y Lleón
Provincia provincia de Lleón
Tipu d'entidá conceyu d'España
Alcalde de Toreno (es) Traducir Q123754390 Traducir
Nome oficial Toreno (es)[1]
Códigu postal 24450
Xeografía
Coordenaes 42°42′02″N 6°30′35″W / 42.700555555556°N 6.5097222222222°O / 42.700555555556; -6.5097222222222
Toreno alcuéntrase n'España
Toreno
Toreno
Toreno (España)
Superficie 103.53 km²
Altitú 659 m[2]
Llenda con
Demografía
Población 2898 hab. (2023)
- 1539 homes (2019)
- 1566 muyeres (2019)
Porcentaxe 0% de provincia de Lleón
0.12% de Castiella y Lleón
0.01% de España
Densidá 27,99 hab/km²
Más información
Estaya horaria UTC+01:00
toreno.net
Cambiar los datos en Wikidata

Toreno ye un conceyu que pertenez a la comarca d'El Bierzu. Aconceya les pedaníes de San Pedro Mallo (Pueblos de Matarrosa del Sil, San Pedro Mallo, Sta. Leocadia), Librán, Pardamaza, Tombrío de Arriba, Tombrío de Abajo, Sta. Marina del Sil, Villar de las Traviesas, Pradilla y Valdelaloba.

Ta asitiáu nel valle'l Sil, a unos 25 km de Ponferrada direición Viḷḷablinu. Con una altitú sobre'l nivel de la mar de 700 metros pero rodiáu de montes de más de 1.721 metros (Sierra de Xistréu).

Economía

Con una población de 2898 habitantes (2023)[3][4], Toreno ye anguaño ún de los últimos pueblos mineros de la provincia de Lleón. La so economía ta basada na antracita y nes rellaciones con Ponferrada a traviés de la reciente autovía que xune les dos llocalidaes. Les castañales, les zreizales, les viñes y la ganaderia son la economía complementario colo que tamién cuenta, amás d'un importante sector servicios na capital del conceyu y na llocalidá de Matarrosa del Sil.

Historia

Culturalmente Toreno ye un conceyu ricu en tradiciones y historia. Echando una mirada pela so historia, lo primero nel tiempu sería'l castru que domina'l pueblu dende "El depositu l'augua". Un castru astur qu'a principios de los 90 foi noticia pola so gran cantidá de vasiyes y otros materiales, alcontraos ellí. Siguiría col Conde de Toreno y vizconde de Matarrosa que dexó los sos bienes materiales en construcciones como "La Torre del Conde" nel cascu urbanu de Toreno. El ferrocarril de la M.S.P., que hasta va poco tenía la so propia estación en Toreno, ye un finxu que marca la historia toreniga. Gracies al "tren mineru", el despegue económicu de Toreno foi bien bono nos años 70, llegando a más de 6.000 habitantes, aniciando un pobláu mineru (Alinos) p'acoyer a la gran cantidá de trabayadores que'l pueblu llegó tener. Empreses como la UMINSA, el desapaecíu Coto Minero del Sil o ENDESA instalaren en Toreno pa realizar la so actividá económica per aquellos años.

Güei, metanes el sieglu XXI, Toreno enfréntase al soo mayor retu, la despoblación. El zarre de la mina, la mala distribución de los Fondos Mineros y la mala xestión de l'alministración autonómica ta faciendo que Toreno perda importancia y población añu tres añu.

Tradiciones y cultura

En cuanto a tradiciones Toreno cuenta con bonos esponentes d'elementos identitarios lleoneses. La cantidá de cases de corredor que los pueblos torenienses tienen ye una de les primeres coses que'l visitante observa al llegar. Molinos, cortines, fornos y escudos señoriales son l'arquiteutura tradicional complementario en Toreno.

La llingua lleonesa ye otru de los elementos que'l visitante siente -nesti casu- a la so llegada a Toreno. El valle del Sil ye uno de los llugares de Lleón onde meyor se caltién esta llingua.[ensin referencies] El zarre de les vocales "e" en "i" y "o" en "u", los ditongos decrecientes propios del asturlleonés occidental "ei" y "ou" y l'acentu característicu son dalgún de los elementos más audibles d'esta llingua en Toreno.

Otros elementos culturales carauterístios de Toreno son los Filandones, Los Magüestos, la vendimia o'l Pendón de Toreno.

Pueblos

  • Librán
  • Matarrosa del Sil
  • Pardamaza
  • Pradilla
  • San Pedro Mallo
  • Santa Leocadia
  • Santa Marina del Sil
  • Tombrío de Arriba
  • Tombrío de Abajo
  • Toreno
  • Valdelaloba
  • Villar de las Traviesas

Referencies

  1. ↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
  2. ↑ URL de la referencia: https://www.aemet.es/es/eltiempo/prediccion/municipios/toreno-id24169.
  3. ↑ Afirmao en: Padrón municipal d'España de 2023. Autor: Institutu Nacional d'Estadística. Data d'espublización: 13 avientu 2023.
  4. ↑ oficina de rexistru

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.