La tonelada (pallabra derivada de tonel y ésta del diminutivu del francés antiguu tonne, tonel grande) ye una midida de masa del Sistema Internacional d'Unidaes qu'equival a 1.000 quilogramos o a un millón de gramos.

La so abreviatura oficial ye t, anque tamién s'emplega T o Tm (Tonelada métrica). El nome nun concuaya cola nomenclatura del Sistema Internacional porque ye previo a la creación d'esta última, polo que tamién recibe'l nome de Megagramu.

Na náutica española la tonelada yera una midida de capacidá igual a 8 coldos cúbicos de ribera, ye dicir, 0,1891 m³, ó 189,11 L. Tamién s'emplegaba la tonelada d'arquéu, pa midir la cabida d'una embarcación, y qu'equivalía a 2,83 m³.

Como midida de pesu equivalía a 20 quintales, y el quintal a 100 llibres castellanes, ye dicir, 46 kg, polo que la tonelada seríen 960 kg. Dexó d'utilizase cuando s'impunxo la tonelada métrica de 1.000 kg (cosa relativamente fácil, pol mor de la diferencia tan escasa ente una y otra).

Sistema anglosaxón

Nel sistema anglosaxón refierse orixinalmente al gran tonel con una capacidá de 252 galones, que contién aproximadamente 2.016 llibres d'agua. El mentáu barril inda s'anoma tun nel inglés británicu.

Nesti sistema hai dos unidaes de masa diferentes anomaes tonelada:

1. Tonelada métrica: o Tonelada (SI). N'inglés llámase Tonne o metric ton.
2. Tonelada corta: equival a 907,18474 kg y a 2.000 llibres avoirdupois. N'inglés llámase short ton, anque nel usu cotidianu d'Estaos Xuníos llámasela tonelada (ton), como la métrica, y inda s'abrevia t.

La tonelada llarga yera perutilizada nel Reinu Xuníu, pero fízose obsoleta dende qu'adoptó la tonelada métrica. Equival a 2.240 llibres avoirdupois y val aproximadamente 1.016,05 kg. N'inglés llámase long ton o weight ton.

La tonelada (marítima) tamién s'utiliza como midida de volume cuando se mide'l desplazamiento d'un barcu o tonelax. La cantidá d'agua desplazada por un volume d'una tonelada tien una masa asemeyada a les tonelaes de masa llistaes más abaxo, 1.132,7 kg.

Una tonelada de volume ye igual a:

• 1.132,67 llitros
• 1,13267 m³

Referencies

Enllaces esternos

• Conversor pa unidaes de masa