Tobe Hooper
Vida
Nacimientu Austin, 25 de xineru de 1943[1]
Nacionalidá Bandera de Estaos Xuníos d'América Estaos Xuníos
Llingua materna inglés
Muerte Sherman Oaks (es) Traducir, 26 d'agostu de 2017[2] (74 años)
Fíos/es 1
Estudios
Llingües falaes inglés[3]
Oficiu direutor de cine, guionista, productor de cine, realizador, productor, actor, compositor
Premios
Xéneru artísticu cine d'horror
IMDb nm0001361
tobehooper.com
Cambiar los datos en Wikidata

William Tobe Hooper (25 de xineru de 1943, Austin – 26 d'agostu de 2017, Sherman Oaks (es) Traducir)[4] foi un direutor, guionista y productor de cine y televisión d'Estaos Xuníos. El so filmografía enfocóse fundamentalmente nel xéneru de terror. De les sos producciones destacaron The Texas Chain Saw Massacre (1974), Salem's Lot (1979), Poltergeist (1982) y Lifeforce (1985).

Biografía

Nació n'Austin (Texas), fíu de Lois Crosby y Norman Hooper.[5] Empezó a faer películes a una temprana edá, cuando atopó una cámara de 8 mm que pertenecía al so padre. Los sos primeros trabayos foron curtiumetraxes.[6]

Xunto con un grupu d'amigos fixo The Texas Chain Saw Massacre, película que camudó'l xéneru de terror nel cine y fixo de Hooper una persona bien conocida. La historia de la película básase en dellos fechos reales, crímenes cometíos por Ed Gein nos años 1950. Depués fixo Eaten Alive en 1977, película que foi nomada en dellos festivales de cine de terror. Cuntaba la historia d'un llabrador que vivía nos banzaos de Louisiana y mataba a persones p'alimentar a un gran cocodrilu que tenía como mascota.

Hooper siguió con 'Salem's Lot (1979), una miniserie televisiva basada nuna de les noveles meyor valoraes de Stephen King. Otru de los sos grandes ésitos vendría en 1982 con Poltergeist, película producida por Steven Spielberg. En 1985 estrenó Lifeforce qu'anque foi un fracasu de crítica y públicu col tiempu revalorizóse hasta convertise nun filme de cultu. En 1986 Hooper dirixe The Texas Chainsaw Massacre 2, remortina de la película que la fixo famosu, nesta ocasión con un tonu más empobináu a la comedia y cola intervención de Dennis Hopper.

Hooper dirixó depués con muncha menor repercusión delles series de televisión como Taken. Nel 2005 dirixó dos capítulos de Masters of Horror titulaos "Dance of the Dead" y “The Damned Thing”.

En 2014 foi gallardoniáu col Premiu Maestru del Festival de Cine Fantásticu 'Nocturna 2014'.[7]

El so últimu filme foi Djinn (2013), rodáu nos Emiratos Árabes ensin la menor repercusión. Morrió en Sherman Oak, California, el 27 d'agostu de 2017, a los 74 años.[8]

Filmografía

Televisión

  • Salem's Lot (1979)
  • Amazing Stories (1987) — Episodiu: Miss Stardust
  • The Equalizer (1987) — Episodiu: No Place Like Home
  • Freddy's Nightmares (1988) — Episodiu: No More Mr. Nice Guy
  • I'm Dangerous Tonight (1990)
  • Haunted Lives: True Ghost Stories (1991)
  • Tales from the Crypt (1991) — Episodiu: Dead Wait
  • Nowhere Man (1995) — Episodiu: Turnabout / Absolute Zero
  • Dark Skies (1997) — Episodiu: The Awakening
  • Perversions of Science (1997) — Episodiu: Panic
  • The Others (2000) — Episodiu: Souls on Board
  • Night Visions (2002) — Episodiu: Cargo / The Maze
  • Taken (2002) — Episodiu: Beyond the Sky
  • Masters of Horror (2005–2006) — Episodios: Dance of the Dead / The Damned Thing

Videos musicales

  • Dancing with Myself (1983) – Billy Idol

Referencies

  1. ↑ Afirmao en: SNAC. Identificador SNAC Ark: w64b3x4m. Apaez como: Tobe Hooper. Data de consulta: 9 ochobre 2017. Llingua de la obra o nome: inglés.
  2. ↑ «Tobe Hooper - aveleyman.com».
  3. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
  4. ↑ Redacción (27 d'agostu de 2017). Muerre Tobe Hooper, direutor de ‘La matanza de Texas’. Barcelona: La Vanguardia. https://www.lavanguardia.com/cultura/20170827/43861842023/muere-tobe-hooper.html. Consultáu'l 27 d'agostu de 2017.
  5. ↑ «Tobe Hooper Biography (1943-)» (inglés). Filme Reference. Consultáu'l 31 d'ochobre de 2011.
  6. ↑ «Tobe Hooper Biography» (inglés). Yahoo! Movies. Archiváu dende l'orixinal, el 19 de payares de 2015. Consultáu'l 5 de payares de 2011.
  7. ↑ «premiu-del festival nocherniega-de-cine-fantastico_238188/ Tobe Hooper va recoyer el premiu del Festival Nocherniega de Cine Fantásticu». Consultáu'l 23 d'abril de 2014.
  8. ↑ «Muerre Tobe Hooper, direutor de Poltergeist y La Matanza de Texas» (27 d'agostu de 2017).

Enllaces esternos

Artículu revisáu
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.