Tierra del Príncipe Rodolfo
Alministración
PaísBandera de Rusia Rusia
Óblasts[[Óblast d'Arcánxel|{{{2}}}
Tipu d'entidá islla
Xeografía
Coordenaes 81°47′22″N 58°39′59″E / 81.7894°N 58.6664°E / 81.7894; 58.6664
Superficie 297 km²
Altitú media 461 m
Demografía
Población 0 hab.
Densidá 0 hab/km²
Más información
Estaya horaria UTC+04:00
Cambiar los datos en Wikidata
La Tierra del Príncipe Rodolfo nel estremu norte de la Tierra de Francisco José.
Barcu abandonáu na badea de Teplitz, 1904.

La Tierra del Príncipe Rodolfo o isla del Príncipe Rodolfo (rusu: Остров Рудольфа, ostrov Rudolfa) ye una pequeña islla del océanu Árticu, la islla más al norte del archipiélagu de Francisco José, Rusia. Pertenez a la rexón alministrativa del óblast d'Arjángelsk de la Federación Rusa. Tien una superficie de 295 km².

Esta islla ta casi dafechu enllena de glaciares. Atópase en 81°46′02″N 58°33′36″E / 81.767222°N 58.56°E / 81.767222; 58.56, mui cerca de la llende del xelu polar permanente. El so puntu más alto algama los 461 m.

Debíu al terrén tan inclináu d'esta isla, l'únicu accesu per aire ye una pequeña tira de nieve de 300 m na parte de riba d'un glaciar.

El cabu Fligely, allugáu na vera septentrional de la Tierra del Príncipe Rodolfo, ye'l puntu más septentrional d'Europa y Rusia.

Historia

Esta islla foi bautizada pola expedición austro-húngara al Polu Norte n'honor del archiduque Rodolfo (1858-89), príncipe coronáu d'Austria, Hungría y Bohemia. Mientres la espedición un esplorador dixo la cita "Últimu puntu algamable en direición norte. Hasta equí y non más allá".

La badea de Teplitz ye un llugar d'acampada que sirvió como escala pa numberoses espediciones polares a finales del sieglu XIX y principios del XX principalmente la italiana dirixida pol príncipe Luis Amadeo, duque de los Abruzos mientres los años 1899-1900. Nesta espedición el capitán Umberto Cagni y trés de los sos homes algamaron el puntu más septentrional alcanzáu pola esploración hasta esi momentu, los 86°34'N.[1]

La espedición polar Ziegler de 1903–1905, dirixida por Anthony Fiala dexó una gran cabaña tamién na badea de Teplitz.

Referencies

  1. ↑ Luigi Amedeo of Savoy, Duke of the Abruzzi (1903). On the "Polar Star" in the Arctic Sea. New York City, NY: Dodd, Mead and Co.

Referencies

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.