The Masters
Xeneral
Tipu de competición actividá deportiva periódica
Deporte golf
País Estaos Xuníos
Historia
Fundación 1934
Competición
Periodicidá Cada añu
Web oficial
Cambiar los datos en Wikidata

El Masters, tamién conocíu como Masters d'Augusta, ye un de los cuatro torneos más importantes (tamién nomaos majors) nel calendariu masculín de golf y el primeru que se celebra ca añu. La ronda final del tornéu tien llugar nel fin de selmana del segundu domingu d'abril. Esti Master tien una sede fixa, l'Augusta National Golf Club, un club de golf privau asitiau n'Augusta, Georgia, Estaos Xuníos. Los creadores del tornéu foron los xugadores Clifford Roberts y Bobby Jones, que ficieron el diseñu del campu xunto al llexendariu diseñador de percorridos Alister MacKenzie.

De la mesma manera al restu de majors, ganar el Masters da-y al golfista que lu algama dalgunos privilexos: Ye automáticamente convidau a xugar los otros tres majors mientres los siguientes cinco años, y algama una convidada pa tola vida pa xugar el Masters. Tamién entra a formar parte del PGA Tour y recibe convidada pa xugar el tornéu The Players' mientres los siguientes cinco años.

El premiu más significativu del tornéu, ensin embargu, ye la "chaqueta verde". Amás d'esti premiu, el ganador del tornéu recibe una Medaya d'oru y so nome ye grabau nel Trofeu de los Maestros.

Records

  • Ganador más xoven: Tiger Woods (1997) con 21 años y 104 díes.
  • Ganador de mayor edá: Jack Nicklaus (1986) con 46 años y 82 díes.
  • Máayor marxe de victoria: 12 golpes (Tiger Woods en 1997).
  • Mayor númberu de golpes pa ganar el tornéu: 289 (Sam Snead en 1954, Jack Burke en 1956 y Zach Johnson en 2007).
  • Mayor númberu de cortes: 37 (Jack Nicklaus).
  • Mayor númberu de cortes consecutivos: 23 (Gary Player dende 1959 hasta 1982.
  • Mayor númberu de participaciones: 50 (Arnold Palmer dende 1955 hasta 2004).

Referencies

    Enllaces esternos

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.