Templu de Yue Fei

Paisaxe cultural del Llagu del Oeste en Hangzhou
Patrimoniu de la Humanidá — UNESCO
	Templo de Yue Fei.
Llugar	China
Criterios	Cultural: ii, iii, vi
Referencia	1334
Inscripción	2011 (XXXV Sesión)
Área	Asia y Oceanía

El Templu de Yue Fei, o como se conoz davezu en China, Templu Yuewang (chinu simplificáu: 岳王庙; chinu tradicional: 岳王廟), ye un templu construyíu n'honor de Yue Fei, un xeneral de la dinastía Song del Sur cuando la capital de China taba en Hangzhou. Los terrenes del templu atópase na fastera sur de la llomba Qinxia, al norte del Llagu del Oeste y na zona central de Hangzhou.

El templu foi construyíu en 1221, mientres la dinastía Song, pa conmemorar la llealtá y patriotismu del xeneral. El sitiu, qu'abarca'l Templu de Yue Fei, el Templu de la Llealtá y el Mausoléu de Yue Fei, foi darréu reconstruyíu delles vegaes.

Estatues de los "traidores" Qin Hui (derecha, 秦檜) y la Dama Wang (esquierda, 王氏). Ye costume que los visitantes cuspan sobre elles p'amosar el so despreciu.

Alredor de la tumba puede reparase un séquitu compuestu d'estatues de piedra de caballos, tigres, oveyes y distintos personaxes a entrambos llaos. La tumba del so fíu mayor, Yue Yun, atópase unos metros al norte d'esta ente que una inscripción col lema del xeneral (que la hestoria diz que se tatuó nel llombu) ta grabada nel muriu de la parte trasera de les tumbes: "sirve a la patria con absoluta llealtá". Ente les estatues destaquen, amás de la del propiu Yue Fei, los cuatro figures de fierro, de rodíes y coles manes ataes, de los consideraos traidores a la patria que socatraron la muerte del póstumamente rehabilitáu xeneral.^[1] Les tumbes y les escultures que les acompañen tán toes dataes nel sieglu XII y fueron meticulosamente restauraes.^[2]

El templu foi reconocíu en 1961 pol Conseyu d'Estáu chinu como un monumentu nacional merecedor de proteición. El 24 de xunu de 2011, ésti y otros elementos que conformen el paisaxe cultural del Llagu del Oeste en Hangzhou fueron declaraos Patrimoniu de la Humanidá pola Unesco.

Galería

Entrada del templu.

Balta de Yue Fei.

Estatua de Yue Fei.

Referencies

↑ «Yue Fei Temple» (inglés). Consultáu'l 7 de febreru de 2012.
↑ Kerk Phillips. «Xeneral Yue Fei Memorial, Hangzhou, China» (inglés). Consultáu'l 7 de febreru de 2012.

Enllaces esternos

Templu del xeneral Yue Fei en China Travel Go (n'inglés)

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] «Yue Fei Temple» (inglés). Consultáu'l 7 de febreru de 2012.

[2] Kerk Phillips. «Xeneral Yue Fei Memorial, Hangzhou, China» (inglés). Consultáu'l 7 de febreru de 2012.

[1]

[2]