Telesforo Cuevas
Vida
Nacimientu Uviéu, 5 de xineru de 1849
Nacionalidá España
Muerte Uviéu[1], 6 d'avientu de 1934[1] (85 años)
Familia
Hermanos/es José Fernández Cuevas
Estudios
Llingües falaes castellanu
Oficiu pintor
Cambiar los datos en Wikidata

Telesforo Fernández Cuevas y García de la Mata (5 de xineru de 1849, Uviéu – 6 d'avientu de 1934, Uviéu) foi un pintor asturianu.

Biografía

Ponte sobre'l ríu Nalón, oleu sobre tabla, 30 x 44 cm, puyáu en 1934 en Fernando Durán.

Pintor desigual, al que la bohemia y la miseria llevaron a la realización de munchos cuadros mal trabayaos y muncho peor remuneraos, pero al llau de los que dexó otros impecables, nos que'l paisaxe asturianu, xeneralmente de los alredores d'Uviéu y del Nalón, retrátase con xusteza de dibuxu, de lluz y de color.

Nun-y faltaron a Cuevas na so neñez nin la discreta posición económica nin la educación que recibieron los sos otros hermanos, dibuxantes y pianistes de calidá; nin-y faltó'l ciñu a la so persona y los afalagos a la so obra. Vio cómo los sos cuadros yeren calificaos de "fermosísimos"; el so gustu de "irreprochable", la so persona d "eminente" y de "gran pintor asturianu"; pero ningún estímulu pudo col so desorden bohemiu nos ochenta y cinco años que vivió hasta la so muerte nel Hospital Provincial d'Asturies.

Los sos dos grandes amores, l'Asturies a la que retrató en bien d'ocasiones, y la comida, que paez que-y faltó n'abondes ocasiones, son el motivu nel que s'ispiran los sos cuadros. Paisaxes y bodegones; bodegones con tou xéneru de carnes, frutes, güevos, pescaos y panes; y, naturalmente, botellones y vasos de vino.

Cuéntense, probablemente, por cientos los cuadros y los dibuxos que Cuevas dexó espardíos per Asturies. Ente los dibuxos, el más conocíu, ensin dulda, ye'l que publicó d'El Carbayón en La Ilustración Gallega y Asturiana de 10 de payares de 1879. Nel Muséu de Belles Artes d'Asturies muéstrense tres de los meyores cuadros de Cuevas: El ríu Nalón al so pasu per Les Caldes, Caserío asturiana y Bodegón de Llastres.

Referencies

  1. 1 2 URL de la referencia: https://books.google.es/books?id=dgIrAQAAMAAJ. Data de consulta: 9 xunetu 2022. Páxina: 306.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.