Tauru
Abreviatura	Tau
Símbolu
Xenitivu	Tauri
Significáu	el güe
Ascensión reuta	4 h
Declinación	15°
Visible pa llatitúes	Entre 90° y -65°
Meyor visible n'	Xineiru
Númberu d'estrelles con magnitú aparente < 3	3
Estrella más rellumante  - Magnitú aparente	Aldebarán (α Tauri) 2.0
Lluvia de meteoritos	Tauridi Beta Tauridi
Constelaciones que llendan	Perseus Áuriga Orión Cetus Aries Eridanus Xéminis

Tauru (llatín: Taurus) ye una de les constelaciones del zodiacu. Ye grande y prominente nel cielu hibernal, ta allugada ente Aries al oeste y Xéminis al este; pal norte alcuéntrase Perséu y l'Áuriga, al suroeste Orión y al sureste Eridanus y Cetus.

Carauterístiques

En mediu d'esta constelación alcuéntrase una de les poques estrelles de primer magnitú del cielu, Aldebarán. Los cuernos del güe espárdense pal oeste, nuna punta por Elnath (Beta Tauri) y (Zeta Tauri).

Oxetos

Na rexón este de la constelación alcuéntrase uno de les concentraciones d'estrelles más afamada, les Pléyades, visibles a simple vista. Tras Aldebarán allúguense les Hyades otru enxeme d'estrelles que formen la V que marca nel cielu la tiesta del güe. Tamién ye visible, con telescopiu, la Nebulosa del Cangrexu (M1), un restu de supernova de Zeta Tauri. La so esplosión foi visible dende la Tierra, el 4 de xunetu de 1054, y foi de tala magnitú qu'en dellos díes yera posible vela en plenu día, como conseñen los rexistros escritos de los historiadores chinos y de los indios d'América.

Representación medieval de Tauru

Astroloxía

Esta constelación ta asociada col signu astrolóxicu de Tauru (20 d'abril-20 de mayu). Ta rellacionáu col elementu de la Tierra y, poro, ye un signu de tierra, al igual que Virgu y Capricorniu. El so opuestu ye Escuripión.

Referencies

Enllaces esternos

• Wikimedia Commons tien conteníu multimedia tocante a Tauru.