La masa

Tarta de chocolate

Tarta grande dempués d'enfornase

La mayoría de les tartes facense con farina de trigu y, poro, gluten que precisa ser tomáu con un cuidu especial p'asegurase que les tartes nun adquieran una testura pastosa. Los ingredientes de la tarta entemécense lo menos posible una vegada que s'amestó la farina. Esto marca la diferencia de los artículos robustos fechos cola farina tal como'l pan, onde'l secretu atopase en ximelgar el gluten tanto como sía posible. Les tartes básense de cutiu en bater los güevos y na adición d'axentes levadores, tales como lleldu en polvu, pa producir burbuyes de gas na mesma. Esto ye lo que fai a una tarta tradicionalmente mullida y esponxosa.

Los ingredientes típicos pa faer una tarta son fariña de trigu, güevos, aceite, agua, lleldu químicu, estractu de la vainilla, y azucre. De cutiu, utilízase fariña nidio, pos tien menos gluten que la farina duro de pan o la farina estándar. El cacáu en polvu o'l chocolate amestase pa faer una tarta de chocolate. Para'l so confección, utilízase mantega o aceites de sabor llixero. Los aceites de sabor fuerte tales como aceite d'oliva nun s'utilicen xeneralmente yá que pueden superponerse y despintar el gustu d'otros ingredientes.

El rellenu

Una tarta nun ye tal ensin un bon rellenu que ye'l que más va determinar el calter de la mesma. Ente los rellenos más habituales cúntense la nata montada, crema pastelera, diversos tipos de mermelada, crema de chocolate, y un llargu etcétera.

La tarta suel cortase horizontalmente en dos ó trés partes, añadiendo una o dos capes de rellenu ente elles. Si usen dos o más capes de rellenu, nun ye necesariu usar el mesmu rellenu en dambes capes, anque s'atiende a que la combinación de sabores sía acertada.

La ornamentación

Una pelota de fútbol de farina, clásica decoración de tartes con tema de fútbol.

Una vegada fecha y rellenada la tarta, suelse decorar pa da-y el calter fayadizu pa la situación en que va ser tastiada.

Les decoraciones más simples inclúin adornos de nata o merengue italianu realizaos cola manga pastelera, guindes o otres frutes escarchaes, fideos de chocolate, etc.

Les más ellaboraes usen fondant pa crear motivos, dibuxos más o menos complexos, ya inclusive figures en tres dimensiones.

Otres versiones

• Pueden sustituyise la mantega y l'azucre por aceite vexetal y sucralosa o stevia rebaudiana, pa llograr tartes con menos caloríes o pa rexímenes dietéticos.
• La farina de trigu puede sustituyise por farina d'arroz o fécula de maíz, que nun contienen gluten y pueden ser consumíes por celiacos. Nesti casu tien d'usase goma guar como aglutinante, una y bones el gluten ye'l responsable de la esponjosidad de la masa.
• Los ingredientes pueden sustituyise totalmente por llambionaes. Estes versiones, bien allegres y coloridas, conócense como tartes de chuches, utilizaes en cumpleaños y eventos, principalmente nes comuniones.