Spetsnaz
tipo de unidad militar por clase de tropas (es)
Direición	Rusia Xunión Soviética

Spetsnaz (Войска специального назначения - спецназ/Voiska spetsialnogo naznacheniya - spetsnaz, /ʃpecnaz/ n'AFI) ye la pallabra rusa pa referise a les fuercies especiales militares y policiales. La torna lliteral diba ser "unidá d'oxetivos especiales". N'occidente úsase la pallabra Spetsnaz pa falar namái que de les fuercies especiales de Rusia y dellos países ex miembros de la XRSS.

Spetsnaz GRU

La Spetsnaz GRU ye la unidá d'operaciones especiales del Direutoriu Principal d'Intelixencia, el serviciu d'intelixencia de les Fuercies Armaes de la Federación Rusa. Formóse'l 24 d'ochobre de 1950,^[1] la Spetsnaz GRU foi la primer unidá a la que se-y dio'l nome de spetsnaz. Nun ye namái una de les meyores infanteríes del mundiu, sinón qu'usen tamién ún de los meyores métodos de combate de toos. Por mor del so calter secretu, les unidaes de Spetsnaz GRU nun tienen nomes como los spetsnaz del FSB o'l MVD, sinón namái qu'una numberación (como por exemplu "18ª Brigada Spetsnaz"). Tiense poca información alrodiu de les operaciones de los Spetsnaz GRU, sábese que tienen participao en confliutos como los d'Afganistán y Chechenia.

Spetsnaz del FSB

El FSB (antiguu KGB) tien dos grupos de fuercies especiales, Grupu Alfa (A) y Grupo Vympel (B) al que-y llamen tamién "Vega". L'equipu Alfa especialízase nel contraterrorismu, y ye una de les unidaes más respetaes nel mundu. L'equipu Vega ye rellativamente nuevu, fechu por miembros del escuadrón Vega orixinal (que pertenecía a MVD, primero de que frañare la XRSS), y veteranos del "Vympel", ún de los meyores grupos de sabotax na guerra fría. El nuevu grupu Vega ye'l responsable de les operaciones previsives, principalmente tocantes a les plantes atómiques y niveles nucleares nel mundiu.

Spetsnaz del MVD

El MVD tien dellos Spetsnaz de les unidaes de les Tropes Interiores, como "Vityaz", "Rus", "Rosich", "Skif", "Grom", etc. y toes elles tienen un bon entrenamientu y bon equipu. Por exemplu, la unidá "Rus" participó en bien de combates en Chechenia. Les sos misiones van dende misiones de reconocencia, hasta l'asaltu, pasando pol sofitu nes operaciones antiterroristes al equipu Alfa.

Spetsnaz nos videoxuegos

• Los videoxuegos de la serie Metal Gear contienen bien de personaxes que pertenecen o pertenecieron a la Spetsnaz GRU, como por exemplu Revolver Ocelot o Sergei Gurlukovich.
• En videoxuegos como Counter Strike o Battlefield 2 puen remanase unidaes antiterroristes Spetsnaz.
• En videoxuegos como Operation Flashpoint ún ye a controlar unidaes de la Spetsnaz.
• Hai bien de referencies a los Spetsnaz en World in conflict.
• En Call of Duty 4: Modern Warfare pue controlase la Spetsnaz en mou multixugador. Ye ún de los cuatro equipos que se puen escoyer.
• Nel primer xuegu de la saga Splinter Cell apaez un personaxe que se llama Vyacheslaf Grimko, un ex miembru de les Spetsnaz.
• Nel FPS : Soldier Front o Special Force el Spetsnaz ye ún de los carauteres a usar.IMAGEN->SpetsNaz

.

Referencies